اسلام آباد۔11مئی (اے پی پی):مزن وزیر محمد شہباز شریف ءَ صدر ٹرمپ ءِ سروکی، جھان ءِ امن ءِ واستہ عزم ءُ جنوبی ایشیا ءَ دائمی امن ءِ برجائی ءِ واستہ ھاسیں کرد پیلو کنگ ءِ سک باز ارزشتی ایں پیشکش ءِ واستہ منت واری ءِ درشانی کتگ۔ شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ دہائیاں چہ پاکستان ءُ امریکہ ءَ وتی وت مہ وتی مفاد آنی رکھینگ ءُ دیمروئی ءِ واستہ شریک ءِ رنگ ءَ یکجائی ءَ کار کتگ ءُ ھمے رنگ ءَ دگنیا ءِ ھاسیں دمگ آنی تہ ءَ امن ءُ ایمنی ءِ واستہ کار کتگ۔ آئی ءَ اے گپ ءِ سر ءَ باور کت کہ پاکستان ءَ صدر ٹرمپ ءِ رنگ ءَ یک جوانیں شریک ءِ دست کپتگ کہ آ دوئیں ملک آنی نیام ءَ اسٹریٹجک شریکداری ءَ را پدا زندگ کت کنت ءُ پاکستان ءُ امریکہ ءِ نیام ءَ نہ ایوک ءَ بیپار ءُ سرمایہ کاری ءِ تہ ءَ بلکینگ ءَ کمک ءِ دگہ درستیں پڑ آنی تہ ءَ ھم دو نیمگی سیادی آناں مھکم جوڑ کت کنت۔
