اسلام آباد۔11مئی (اے پی پی): چیئرمین سینیٹ سید یوسف رضا گیلانی سرکاری تر ءُ تاب ءَ روس ءَ شتگ۔ اے تر ءُ تاب ءِ دعوت روس ءِ فیڈریشن کونسل ءِ چیئرپرسن ویلنٹینا میٹوینکو ءَ داتگ۔ یک شمبے ءِ روچ ءَ سینیٹ سیکرٹریٹ میڈیا ڈائریکٹوریٹ ءِ نیمگ ءَ جاڑی بوتگیں بیان ءِ رد ءَ روس ءَ سر بوھگ ءِ سر ءَ چیئرمین سینیٹ ءَ را روسی فیڈریشن کونسل ءَ روس ءُ پاکستان دوستی گروپ ءِ مستقل نمائندہ ولادیمیر ششکوف ءَ وش آتک کتگ۔ چیئرمین سینیٹ ءَ اے موہ ءِ سر ءَ پاکستان ٹیلی ویژن ءَ گوں روس ءِ تر ءُ تاب ءِ ھوالگ ءَ انٹرویو ھم دات ۔ چیئرمین سینیٹ ءَ گوشت کہ روس ءِ گوما پاکستان ءِ پارلیمانی سیادی سک باز مھکم انت، ءُ ما اے سیادی ءَ را گیش مھکم کنگ ءِ واھشت مند ایں ۔ سینیٹ ءِ چیئرمین ءَ گوشت کہ ڈل آنی مٹ ءُ بدلی ءِ تہ ءَ ترندی گندگ ءَ کیت، ایشی ءَ چہ جوانیں دیمروئی انت۔ روس ءَ وتی نندگ ءِ وھد ءَ چیئرمین سینیٹ ءِ مزن تک ءِ دیوان بنت۔ گند ءُ نند آنی تہ ءَ پارلیمانی کمک ءِ دیمروئی، دمگ ءِ سرجمیں جاور ھال آنی سر ءَ گپ ءُ تران کنگ بیت ءُ جتا جتائیں شوبگ آنی تہ ءَ کمک ءِ امکانات آنی سر ءَ گپ ءُ تران کنگ بیت۔
