پاکستان اقوام متحدہ ءِ سیکرٹری جنرل انتونیو گوترز ءِ منت واری ءِ درشان کنت کہ آئی ءَ پاکستان ءُ بھارت ءِ نیام ءَ گوستگیں وھد ءَ جنگ بندی ءِ منوگری ءَ را وش اتک

اسلام آباد۔11مئی (اے پی پی): پاکستان ءَ اقوام متحدہ ءِ سیکرٹری جنرل انتونیو گوترز ءِ نیمگ ءَ پاکستان ءُ بھارت ءِ نیام ءَ گوستگیں جنگ بندی ءِ منوگری ءَ را وش اتک کنان ءَ جاڑی بوتگیں بیان ءِ منگ ءُ منت واری ءِ درشان کتگ۔ یک شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں پریس ریلیز ءَ گوشت کہ پاکستان اقوام متحدہ ءِ سیکرٹری جنرل ءِ جائزہ ءِ سر ءَ تپاک کنت کہ اے دیمروئی جنوبی ایشیا ءَ دائمی امن ءُ ایمنی ءِ واستہ سازگاریں چاگرد ءِ دیمروئی ءِ نیمگ ءَ جوانیں گامگیج ءِ نشان اِنت۔ اے درگت ءَ درئی کارانی کارگس ءَ پاکستان ءِ اے جزم ءِ پدا زور دات کہ دمگ ءَ دائمی امن ءِ ھاترا اقوام متحدہ ءِ سیکورٹی کونسل ءِ سیادی داروکیں قرارداد ءُ کشمیری الس ءِ جائزیں واھشت آنی رد ءَ جموں ءُ کشمیر جیڈھ ءِ گیواری المی اِنت۔ پاکستان امن ءُ دمگی برجائی ءِ دیمروئی ءَ اقوام متحدہ ءِ کرد ءَ را سک باز ارزشت دنت ۔ ما اقوام متحدہ ءِ منشور ءُ میاں اوستمانی کانود ءِ اصول آنی سر ءَ بنیات ءِ سر ءَ جوڑیشت ءُ پائدگ مندیں گپ ءُ تران ءِ وتی عزم ءِ سر ءَ مھکم ایں ، ایشی ءِ مول ءُ مراد جنوبی ایشیا ءِ الس آنی واستہ امن ، ایمنی ءُ دیمروئی ءِ پک کنگ اِنت۔