اسلام آباد۔11مئی (اے پی پی): ملک ءِ جتا جتائیں دمگ آنی تہ ءَ پاکستانی لشکر ءَ را بھارتی زوراکی ءِ سر ءَ راجدپتری ءُ فیصلہ کنوکیں پسو دیگ ءِ سر ءَ شگر ءُ منت ءِ درشان کنگ ءُ یکوئی ءِ درشان کنگ ء واستہ جلسہ کنگ بوت۔ ھمک شھر ءُ کوچگ ءَ پاکستانی لشکر ءَ را خراج تحسین پیش کنگ بوت ۔ پاکستانی لشکر ءِ سپاھیگ آنی سر ءَ پُل ءِ پنکھڑی ءِ ھئور کنگ بوتگ ءُ آھانی سر ءَ مالا ایر کنگ بوتگ۔ لکی مروت ءَ سوبمندی ءِ درگت ءَ مزنیں کساسے ءَ مردماں راجی بیرک چست کتگ ءُ پاک آرمی زند آباد ءِ نعرہ جتگ۔ ھندوستان ءِ زوراکی ءُ پاکستانی لشکر ءِ سوبمندی ءِ سر ءَ شمالی وزیرستان باجور ءَ ھم جلسہ ءِ برجم دارگ بوت۔ چترال ءَ ھم بامردیں مردم پاکستانی لشکر ءَ را شگر ءُ داد دیگ ءِ ھاترا سڑکاں دراتکگ اَنت۔ پشاور کنٹ ءُ مردان ءَ ھم مزنیں کساسے ءَ مردم چہ ھندوستان ءِ ھلاپ ءَ سوبمندی ءِ وش آتک ءَ سڑکاں دراتکگ اَنت۔ ڈیرہ اسماعیل خان ءُ ٹینک ءَ ھم مردماں ”پاک آرمی زندگ بات، گوں ھندوستان ءَ جہل“ ءِ نعرہ جتگ ءُ سڑکاں درکپتگ اَنت۔ سوات ءَ ھم مزنیں کساسے ءَ مردماں وتی بہادریں سلاہ بندیں لشکر ءَ را شگر ءُ منت گپتگ۔ محمد، نوشیرہ ءُ قیلہ بالا ہسار ءَ ہم مردماں سوبمندی ءِ جشن ءَ جلسہ کتگ۔ جلسہ آں چہ درستیں مکتب فکراں بہر زرتگ ات کہ ایشی ءِ تہا لس مھلوک ءَ شیرکنی ھم بھر ءُ بانگ کتگ ات۔ جلسہ آں بہر زوروکاں اے شاندار سوب مندی ءِ سرا اللہ تعالیٰ ءِ شگر ءُ منت گپت ءُ پاکستانی فوج ءِ حق ءَ نعرہ چست کت۔
