اسلام آباد۔11مئی (اے پی پی): پاکستان ءُ بھارت ءِ سیادی ءِ ھوالگ ءَ امریکی صدر ڈونلڈ جے ٹرمپ ءِ بیان ءَ را وش اتک کنان ءَ گوشت کہ پاکستان ءُ بھارت ءِ نیام ءَ گوستگیں جنگ بندی ءُ مفاہمت ءِ کمک ءَ ایندگر دوستیں ملک ءُ امریکہ ءِ جوڑیشت ءِ کرد ءَ را ساڑات کنت کہ اے دمگی برجائی ءُ کش ءُ چیل آنی تہ ءَ کمی ءِ نیمگ ءَ جوانیں گامگیج اِنت۔ یک شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں پریس ریلیز ءَ گوشت کہ ما صدر ٹرمپ ءِ جموں کشمیر جیڈھ ءِ گیواری ءِ واستہ کوشست آناں کمک کنگ ءِ واھشت ءِ درشان ءَ را ھم ستا کن ایں ۔ اے یک دیریں نا گیش ءُ گیواریں جیڑھے کہ ایشیا ءِ جنوبی ءُ چہ ایشی ءَ دریں دمگاں امن ءُ ایمنی ءِ ھاترا مزنیں آسراتی یے داریت۔ پاکستان یک رندے پدا اے گپ ءِ سر ءَ زور پر دنت کہ جموں ءُ کشمیر ءِ جیڈھ ءِ ھرچ وڑیں انصاف ءُ برجمیں گیواری اقوام متحدہ ءِ سلامتی کونسل ءِ ھمگرنچیں قرارداد آنی رد ءَ بہ بیت ءُ کشمیری راج ءِ بنیاتی ھک آنی پیلو کنگ ءَ را دل یکیمی کنگ بہ بیت ایشی ءِ تہ ءَ وت واجہی ءِ ناگزیریں ھک ھم ھوار اِنت۔ پاکستان ءِ دمگ ءَ امن، ایمنی ءُ وشھالی ءِ دیمروئی ءِ ھاترا امریکہ ءُ میاں اوستمانی براتی ءِ گوما ھوار بوھگ ءِ ھاترا جزم انت۔ ما امریکہ ءِ گوما وتی کثیر جہتی شراکت داری ءَ را گیش ءُ گیوار کنگ ءِ ھاترا دیم ءَ چارگ ءَ ایں ، ھاسیں رنگ ءَ تجارت ، سرمایہ کاری ءُ اقتصادی کمک ءِ پڑ ءَ ۔
