لاہور۔11مئی (اے پی پی): سر وزیر پنجاب ءَ مزن وزیر محمد شہباز شریف ءِ مزنیں سوبمندی ءِ شگر ءُ منت ءِ روچ ءِ برجم دارگ ءِ پیسلہ ءَ را وش اتک کتگ۔ آ اللہ تعالیٰ ءِ شگر ءُ منت وار انت کہ دژمن ءِ بدیں نیتاں ھلاس کنت۔ یک شمبے ءِ روچ ءَ جاڑی بوتگیں بیان ءِ تہ ءَ آئی ءَ گوشت کہ مرچی ایوک ءَ شگر ءُ منت ءِ روچ نہ انت بلکینگ ءَ عزت، دلیری ءُ راجی یکوئی ءِ سوبمندی ءِ روچ انت۔ آئی ءَ مزن وزیر محمد شہباز شریف ءِ مزنیں سوبمندی ءِ شکر ءِ روچ ءِ برجم دارگ ءِ پیسلہ ءَ را وش اتک کتگ۔ مریم نواز ءَ گوشت کہ پاک فوج یک بہادر، پیشہ وارانہ ءُ باصلاحیتیں ادارگ انت۔ پاکستانی لشکر ءَ ھندی زوراکی ءِ پسو نہ ایوک ءَ گوں تیراں بلکیں گوں زانت ءَ داتگ۔ آ اللہ تعالیٰ ءِ منت وار اِنت کہ پاکستانی لشکر ءَ دژمن ءِ بدیں نیت ھلاس کتگ اَنت ءُ فالکناں دژمن ءِ بالی گراباں ایر کنگ ءَ دنیا ءَ را پیغام داتگ کہ پاکستان ءِ دفاع ناقابل شکست اِنت۔ دگنیا ءَ اے گپ زانگ بوتگ کہ پاکستان وتی دفاع ءَ یک گامے ھم پد ءَ نہ جنت۔ ھما سپاھیگاں سلام کہ دژمن ءِ چماں چار اِت اَنت ءُ گْوشت ئِے کہ پاکستان امن اِنت نزور ءُ بزدل نہ اِنت ۔ آئی ءَ گوشت کہ ما ورنا آناں وانگ ءُ زانگ، مہارت ءُ ٹیکنالوجی ءِ وسیلگ ءَ بااختیار کن ایں ءُ یک انچیں پاکستان ءِ جوڑ کن ایں کہ ھچ دژمن ءَ گوں گندی چماں چارگ ءِ ھیال ءَ ھم نہ کنت پرچا کہ پاکستان ءِ سروکی مخلص اِنت، راج یکجا اِنت ءُ قوت ناقابل شکست اَنت۔ ما شہیدانی قربانی ءَ بے سوب نہ یلہ دئیں۔
