اسلام آباد۔11مئی (اے پی پی): وفاقی داخلہ ءِ وزیر محسن نقوی ءَ گشتگ کہ ٹریفک ءِ نظام ءُ آسراتی ءِ رد ءَ اسلام آباد ءَ را جھان ءِ درجہ ءِ شہر جوڑ کنگ اولی ترجی انت۔ جناح اسکوائر مری روڈ انڈر پاس 22مئی ءَ بنگیج کنگ بیت، ءُ اے منصوبہ اے ماہ ءَ سرجم کنگ بہ بیت۔ وفاقی وزیر داخلہ محسن نقوی ءَ یک شمبے ءِ روچ ءَ جناح اسکوائر مری روڈ انڈر پاس منصوبہ ءِ تر ءُ تاب کتگ ءُ پیشرفت ءِ سرا چار ءُ تپاسی کتگ۔ وفاقی وزیر ءَ را گوشگ بوت کہ جناح اسکوائر انڈر پاس ءِ دوئیں نیمگ ءِ دیوال سرجم بوتگ انت وھدیکہ چھت ءِ سر ءَ کار بندات بوتگ۔ اے موہ ءِ سر ءَ تران کنان ءَ محسن نقوی ءَ گوشت کہ جناح اسکوائر مری روڈ انڈر پاس ءِ بنگیج 22 مئی ءَ کنگ بیت آئی ءَ منصوبگ ءِ سر ءَ جاڑی جوڑیشت ءِ کار آنی چار ءُ تپاسی کت ءُ رواں ماہ ءِ ساھت ءَ 100درسد کار سرجم کنگ ءِ ہدایت کت۔ وزیر داخلہ ءَ ھور ءِ باوجود دیمروئی کار ءِ رفتار ءُ کوالٹی ءِ سر ءَ دل یکیمی ءِ درشانی کت ءُ منصوبگ ءِ کش ءُ گور ءَ سبزیں دمگ جوڑ کنگ ءُ جوانیں لینڈ اسکیپنگ ءِ ہدایت کت۔ آئی ءَ انڈر پاس ءِ نزیک ءَ زیر تعمیر پل ءِ ھم چار ءُ تپاسی کتگ۔ وزیر داخلہ ءَ ایکسپریس وے ءِ سر ءَ تجاوزات ءِ ھلاسی ءِ واستہ ترندیں گامگیج ءِ پرمان دیگ ءِ وھد ءَ گوشت کہ اسلام آباد ءَ را ٹریفک ءِ نظام ءُ آسراتی ءِ رد ءَ جھان ءِ درجہ ءِ شہر جوڑ کنگ اولی ترجی اِنت۔ اے موہ ءِ سر ءَ سی ڈی اے ءِ چیئرمین محمد علی رندھوا ءَ وفاقی وزیر ءَ را منصوبگ ءِ بابت ءَ سرپد کت ءُ سرپد کت کہ منصوبگ ءِ سر ءَ 75درسد دیمروئی کار سرجم بوتگ، منصوبگ ءِ چار سلپ روڈ آنی تہ ءَ سئے سرجم بوتگ انت ءُ الس ءِ آسراتی ءِ واستہ ٹریفک پدا جوڑ کنگ بوتگ۔ آئی ءَ اے جزم ءِ یک رندے پدا گوشت کہ ھور ءُ موسمی جاور آنی باوجود دیمروئی کار وھد ءِ سر ءَ سرجم کنگ بنت۔ وفاقی وزیر داخلہ محسن نقوی ءِ تر ءُ تاب ءِ وھد ءَ وفاقی سیکرٹری ہوم، ڈپٹی کمشنر اسلام آباد ءُ ایندگر افسر ھم ساڑی بوتگ انت۔
