لاہور۔10مئی (اے پی پی): پنجاب ءِ حالرسانی ءِ وزیر عظمہ بخاری ءَ گشتگ کہ پاکستانی فوج ءَ لھتیں کلاک ءِ تہا ہندوستان ءِ فوج بے ننگ کتگ، “بانیان مرسوس” دنیا ءِ راجدپتر ءِ کامیاب تریں آپریشن انت، ہندوستان ءَ پاکستان ءِ صبر ءُ اوپار ءَ نزوری لیک اتگ۔ شمبے ءِ روچ ءَ پاکستانی اُرد ءَ را شگر ءُ منت پیش کنان ءَ آئی ءَ گوشت کہ آپریشن ’’بانیان مرسس‘‘ دگنیا ءِ راجدپتر ءِ تہ ءَ سوبمندیں آپریشن اِنت، بھارت ءِ سر ءَ اُرش ءِ پسو ءَ پاکستانی اُرد ءَ دگنیا ءِ جوانیں ءُ پیشہ وارانہ تریں اُرد ثابت کتگ، پاکستانی اُرد ءِ سوبمندی راجدپتر ءَ جوانیں لیٹ ءَ نبشتہ کنگ بنت۔ اعظمہ بخاری ءَ گشتگ کہ بھارت ءَ پاکستان ءِ صبر ءُ اوپار ہم نزوری لیک اتگ۔ گوستگیں چار ءُ پنچ روچاں ہندوستان ءَ گوں دروگ ءُ پروپیگنڈا ءَ زھرشانی کتگ ات۔ پاکستانی لشکر ءِ چار کلاک ھندوستان ءِ پسو دیگ ءَ بس اَت۔ پاکستان ءَ روچ ءِ رژنائی ءَ بھارت ءَ را پسو داتگ۔ آئی ءَ گوشت کہ پاکستان یک زمہ واریں ملکے، ھدا ءِ شگر انت دراھیں پاکستانی بالی گراب ایمن انت، پاکستانی فوج ءَ لھتیں کلاک آنی تہ ءَ ھندوستان ءِ فوج بے ننگ کتگ۔ پنجاب ءِ حالرسانی ءِ وزیر ءَ گوشت کہ پاکستان ءِ میڈیا ھم ھندی میڈیا ءَ را اھوالکاری ءِ رھبند ءُ رہبندانی سکین دیگ ءِ واستہ سیت گر ءِ مستحق انت۔ مودی ءِ جنگی جنون ءَ ھندی رسانکدر ءِ سرا قبضہ کتگ کہ پنچ روچ ءَ چہ دروگ بندگ ءَ ات۔ مرچی ھمے رسانکدر پاکستان ءِ برتری ءَ منّگ ءَ اِنت۔
