اسلام آباد۔10مئی (اے پی پی): مزن وزیر محمد شہباز شریف ءَ گوشت کہ ما صدر ڈونلڈ ٹرمپ ءِ منت ءَ گِریں کہ آ دمگ ءَ امن ءِ واستہ سروک ءُ متحرک کرد پیلو کنگ ءَ انت۔ سوشل نیٹ ورک ویب سائٹ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ پاکستان اے جیڈھ ءِ گیواری ءَ امریکہ ءِ کرد ءِ سر ءَ منت وار اِنت، پڑ ءِ امن ءُ ایمنی ءِ واستہ ما اے کرد ءَ را من اِتگ۔ مزن وزیر ءَ گوشت کہ ما نائب صدر جے ڈی وینسی ءُ سیکرٹری آف اسٹیٹ مارکو روبیو ءِ ھم منت وار ایں، ایشاں جنوبی ایشیا ءَ امن ءِ دیمروئی ءِ واستہ ھاسیں کرد پیلو کتگ۔ مزن وزیر ءَ گوشت کہ پاکستان ءِ ھیال اِنت کہ اے یک نوکیں بندات اِنت، ایشی ءَ چہ ھما جیڈھ آنی گیواری ءِ واستہ راہ پچ بیت کہ آ خطہ ءَ را سک باز وھد ءَ چہ تاوان دیگ ءَ اَنت ءُ امن، وشھالی ءُ برجائی ءِ دیم ءَ اڑاند جوڑ بوتگ اَنت۔
