اسلام آباد۔10مئی (اے پی پی): مزن وزیر محمد شہباز شریف ءَ عوامی نیشنل پارٹی ءِ سروک ایمل ولی خان ءُ استحکام پاکستان پارٹی ءِ سروک ءُ وفاقی وزیر عبدالعلیم خان ءَ گوں ٹیلی فون ءِ سر ءَ گپ ءُ تران کت ءُ دمگ ءِ استیں جاور ھال آنی سر ءَ آھاں دلجمی کت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بھارتی زوراکی ءِ ھلاپ ءَ آپریشن بنیان المرسوس ءِ شکل ءَ پاکستان ءِ جوابی اُرش ءِ کمک کنگ ءِ پد ءَ عائل ولی خان ءُ عبدالعلیم خان ءِ منت واری ءِ درشانی کت۔ دوئیں رہشوناں گوستگیں تناؤ ءِ تہا ملک ءُ راج ءِ مثالی رہشونی ءِ ھاتر ءَ مزن وزیر ءَ را خراج تحسین پیش کت۔ ایمل ولی خان ءُ عبدالعلیم خان ءَ پاکستانی اُرد ءِ پیشہ وارانہ ءُ جزم ءَ را سلام دات کہ آئی ءَ بھارت ءَ را لائکیں پسو داتگ۔ اے موہ ءِ سر ءَ سروک آں مزن وزیر ءَ گوں گپ ءُ تران کنان ءَ گوشت کہ سرجمیں راج وطن ءِ رکھینگ ءِ واستہ پاکستان ءِ بہادریں قوت آنی گوما اوشتاتگ۔
