اسلام آباد۔10مئی (اے پی پی): وزیر دیمپان خواجہ محمد آصف ءَ گشتگ کہ پڑ ءَ کش ءُ چیل ءِ گیش بوہگ ءِ ذمہ وار ہندوستان انت ۔ جمعہ ءِ روچ ءَ پرائیویٹ ٹیلی ویژن چینل ءَ گوں تران کنان ءَ آئی ءَ گشتگ امریکہ ءَ ہوار لھتیں ملک دوئیں ایٹمی طاقتانی نیام ءَ کش ءُ چیل ءِ کم کنگ ءِ جہد ءَ انت۔ آئی ءَ گوشت کہ پاکستانی سلاھبند اُرد ءَ ھندی اُرش آنی لائکیں پسو داتگ ءُ نوں ھندوستان دیمپانی پوزیشن ءَ اتکگ۔ یک جستے ءِ سر ءَ آئی ءَ گوشت کہ امریکا دوئیں ملک آنی نیام ءَ کش ءُ چیل ءِ کم کنگ ءِ کوشست ءَ کنگ ءَ انت۔ آئی ءَ بھارتی مزن وزیر نریندر مودی ءِ سر ءَ ایراد گپت ءُ گوشت کہ مودی گچین کاری ءَ ووٹ ءِ گرگ ءِ واستہ ڈرامہ جوڑ کنگ ءَ اِنت ءُ ذاتی نپ ءِ سیاست کنگ ءَ اِنت۔
