واشنگٹن۔10مئی (اے پی پی): وائٹ ہاؤس ءِ جارکش ءَ بھارت ءُ پاکستان ءِ نیام ءَ گیش بوھوکیں کش ءُ چیل ءِ ھوالگ ءَ گوشت کہ امریکہ دوئیں ایٹمی طاقت آنی سروک آنی گوما مدام رابطہ ءَ اِنت ءُ صدر ڈونلڈ ٹرمپ زوتاں چہ زوت کش ءُ چیل ءَ را کم کنگ لوٹ ایت۔ وائٹ ہاؤس ءِ جارکش کیرولین لیویٹ ءَ وتی پریس بریفنگ ءَ احوالکاراں گوں تران کنان ءَ گشتگ کہ اے یک انچیں جیڈھ یے کہ ایشی ءِ تہا سیکرٹری آف اسٹیٹ ءُ نوں مئے راجی سلامتی ءِ مشیر مارکو روبیو ہم سک باز سرگرم بوتگ۔ صدر ٹرمپ ءَ گوں ھاسیں رنگ ءَ گْوشتگ کہ آ لوٹ اِیت کہ اے کش ءُ گور زوتاں چہ زوت ھلاس بہ بیت۔ وائٹ ہاؤس ءِ جارکش ءَ گیش گوشت کہ آئی ءِ گوں دوئیں ملک آنی سروک آنی گوما جوانیں سیادی ھست، سیکرٹری آف اسٹیٹ مارکو روبیو اے جیڈھ ءِ ھلاسی ءِ واستہ دوئیں ملک آنی سروک آنی گوما مدام رابطہ ءَ اِنت۔
