بھارت ءَ پاکستان ءِ سر ءَ میزائل اُرش کتگ ، نور خان ، مرید بیس ءُ شور کورٹ بیس ءِ سر ءَ میزائل شنگ کنگ بوتگ ، پاکستان فضائیہ ءِ سرجمیں مڈی ایمن اَنت ، بھارت مئے پسہ ءِ ودار ءَ بہ کنت ، ڈی جی آئی ایس پی آر

راولپنڈی۔10مئی (اے پی پی): پاکستان ءِ سلاہ بندیں اُرد ءِ جارکش لیفٹیننٹ جنرل احمد شریف چوہدری ءَ گوشت کہ بھارت ءَ پاکستان ءِ نور خان ائیر بیس، مرید بیس ءُ شور کورٹ ائیر بیس ءَ بالی گراب آنی تہ ءَ چہ میزائل ھوا ءَ چہ شنگ کتگ اَنت۔ پاک فضائیہ ءِ درستیں مڈی ایمن انت۔ ھندوستان ءَ ھم اوگانستان ءِ سر ءَ میزائل ءُ ڈرون ارش کتگ ۔ آئی ءَ جمعہ ءُ شمبے ءِ میانجی ءِ شپ ءَ رسانکدر ءَ را سرپدی دیگ ءَ ات۔ ڈی جی آئی ایس پی آر ءَ گوشت کہ بھارت ءَ وتی نندگی زوراکی ءَ را برجاہ دارگ ءَ وتی بالی گراب آنی تہ ءَ چہ ایر ٹو گراؤنڈ میزائل شنگ کتگ ءُ نور خان ایر بیس، مرید بیس ءُ شور کورٹ ایر بیس ءَ را نشانگ جوڑ کتگ، البت پاکستان ایر فورس ءِ سرجمیں مڈی ایمن اَنت۔ ڈی جی آئی ایس پی آر ءَ گوشت کہ بھارت ءَ ھم اوگانستان ءِ سر ءَ میزائل شنگ کتگ ءُ ڈرون اُرش ھم کتگ۔ آئی ءَ گوشت کہ بھارت وتی جنون، زوراکی ءُ دغا ءِ گوما دمگ ءَ را یک خطرناکیں جنگ ءِ نیمگ ءَ کشگ ءَ اِنت۔ بھارت ءَ گوں تران کنان ءَ آئی ءَ گوشت کہ ما آئی ءِ (بھارت) ءِ زور، چالاکی ءُ زوراکی ءَ چہ ترس ءُ بیم ءِ آماچ بوھگ ءَ نہ ایں ۔ بس مئے پسو ءِ ودار ءَ بہ کنت۔