راولپنڈی ۔10مئی (اے پی پی):پاکستان ءِ سلاھ بندیں اُرد ءِ جارکش لیفٹیننٹ جنرل احمد شریف چوہدری ءَ گوشت کہ پاکستان ءِ ھوائی دیمپانی نظام ءَ بھارت ءِ نیمگ ءَ ھوا ءَ ایر کنگ بوتگیں گیشتریں میزائل تباہ کتگ ءُ اُرش ناکام کتگ اَنت۔ لھتیں میزائل ھم بالی اڈہانی سر ءَ کپتگ اَنت بلے پاکستان ءِ بالی اُرد ءِ بالی مڈی چہ وتی زند ءَ رکّ اِتگ اَنت۔ اوگانستان ءِ سر ءَ ھندی میزائل ءُ ڈرون اُرشانی مول ءُ مراد دمگ ءَ را جنگ ءِ تہ ءَ کشگ اِنت۔ آئی ءَ شمبے ءِ روچ ءَ سھب ءَ میڈیا ءَ را بریفنگ دیگ ءَ ات۔ ڈی جی آئی ایس پی آر ءَ گوشت کہ بھارتی بالی گراب آنی نیمگ ءَ نور خان ایئر بیس، مرید ایئر بیس ءُ شور کورٹ ایئر بیس ءَ ھوا ءَ چہ میزائل تیرگواری کنگ بوتگ۔ پاکستان ءِ ھوائی دیمپانی نظام ءَ ھوا ءِ تہ ءَ ھواریں سرجمیں میزائل ھلاس کنگ ءَ اے اُرش سرجم ءَ ناکام کتگ۔ مئے فضائی دیمپانی نظام ءَ بھارتی عزائم ناکام کتگ انت۔ آئی ءَ گوشت کہ اوگانستان ءِ سر ءَ میزائل ءُ ڈرون اُرش ھندی پنجاب ءَ میزائل ڈرامہ ءَ چہ پد بھارت ءِ نیمگ ءَ کنگ بوتگ انت ایشی ءَ چہ زانگ بیت کہ بھارت زوت زوت ءَ دمگ ءَ عدم توازن پیداک کنگ ءُ دمگ ءَ را جنگ ءِ تہ ءَ کشگ لوٹ ایت۔ آئی ءَ گوشت کہ پاک فضائیہ ءَ را میزائل آنی سر ءَ ایر کنگ بوتگیں الیکٹرانک دستخط رستگ انت ایشی ءَ چہ زانگ بوتگ کہ میزائل کجا چہ شنگ کنگ بوتگ انت ءُ ایشانی ٹارگٹ چے بوتگ۔ ڈی جی آئی ایس پی آر ءَ گوشت کہ پاکستان ءِ سلاھ بندیں اُرد الرٹ ءَ اَنت ءُ بھارت ءِ گیش بوھوکیں زوراکی ءُ بزدلی اُرش ءَ را ناکام کنگ ءَ اَنت۔ اے اُرش پاکستان ءِ دلیر ءُ دلیریں مہلوک ءِ حوصلہ ءَ ھم کمزور کُت نہ کن اَنت۔ حوصلہ کم کنگ ءِ بدل ءَ ہر حملہ ءُ بزدلیں جارحیت ءَ گوں حوصلہ گیش بوہگ ءَ انت۔ اگاں کسے چارگ لوٹیت گڑا شپ ءِ اے ساھت ءَ ھم ملک ءِ مزنیں شھراں راولپنڈی ءُ لاہور ءَ ھوار مردم سڑکاں درکپتگ اَنت۔ بھارت ءَ گوں تران کنان ءَ ڈی جی آئی ایس پی آر ءَ گوشت کہ شمئے ھمک اُرش ءِ ناکام بوھگ ءَ پد ما وتی نا اُمیتی ءَ چہ زوت دیم ءَ رو ایں۔
