راولپنڈی ۔10مئی (اے پی پی): پاکستان ءِ سلاہ بندیں اُرد ءِ جارکش لیفٹیننٹ جنرل احمد شریف چوہدری ءَ گشتگ کہ پاکستان ءِ فضائی دیمپانی نظام ءَ ہندوستان ءِ میزائل ہوا ءَ تباہ کتگ انت ءُ اُرش ناکام کتگ انت۔ پاک فضائیہ ءِ بالی مڈی ایمن انت۔ اوگانستان ءِ سر ءَ ھندی میزائل ءُ ڈرون اُرشانی مول ءُ مراد دمگ ءَ را جنگ ءِ تہ ءَ کشگ اِنت۔ آئی ءَ شمبے ءِ روچ ءَ سھب ءَ میڈیا ءَ را بریفنگ دیگ ءَ ات۔ ڈی جی آئی ایس پی آر ءَ گشتگ کہ بھارتی بالی گراباں نور خان ایئر بیس، مرید ایئر بیس ءُ شور کورٹ ایئر بیس ءَ ہوا ءَ چہ میزائل تیر گواری کتگ۔ پاکستان ءِ ھوائی دیمپانی نظام ءَ ھوا ءِ تہ ءَ ھواریں سرجمیں میزائل ھلاس کنگ ءَ اے اُرش سرجم ءَ ناکام کتگ۔ مئے فضائی دیمپانی نظام ءَ ہندوستان ءِ ارادہ ناکام کتگ انت۔ آئی ءَ گوشت کہ اوگانستان ءِ سر ءَ میزائل ءُ ڈرون اُرش ھندی پنجاب ءَ میزائل ڈرامہ ءَ چہ پد بھارت ءِ نیمگ ءَ کنگ بوتگ انت ایشی ءَ چہ زانگ بیت کہ بھارت زوت زوت ءَ دمگ ءَ عدم توازن پیداک کنگ ءُ دمگ ءَ را جنگ ءِ تہ ءَ کشگ لوٹ ایت۔ آئی ءَ گوشت کہ پاک فضائیہ ءَ را میزائل آنی سر ءَ ایر کنگ بوتگیں الیکٹرانک دستخط رستگ انت ایشی ءَ چہ زانگ بوتگ کہ میزائل کجا چہ شنگ کنگ بوتگ انت ءُ ایشانی ٹارگٹ چے بوتگ۔ ڈی جی آئی ایس پی آر ءَ گوشت کہ پاکستان ءِ سلاھ بندیں اُرد الرٹ ءَ اَنت ءُ بھارت ءِ گیش بوھوکیں زوراکی ءُ بزدلی اُرش ءَ را ناکام کنگ ءَ اَنت۔ اے اُرش پاکستان ءِ دلیر ءُ دلیریں مہلوک ءِ حوصلہ ءَ ھم کمزور کُت نہ کن اَنت۔ حوصلہ کم کنگ ءِ بدل ءَ ہر حملہ ءُ بزدلیں جارحیت ءَ گوں حوصلہ گیش بوہگ ءَ انت۔ اگاں کسے چارگ لوٹیت گڑا شپ ءِ اے ساھت ءَ ھم ملک ءِ مزنیں شھراں راولپنڈی ءُ لاہور ءَ ھوار مردم سڑکاں درکپتگ اَنت۔ بھارت ءَ گوں تران کنان ءَ ڈی جی آئی ایس پی آر ءَ گوشت کہ شمئے ھمک اُرش ءِ ناکام بوھگ ءَ پد ما زوت وتی نا اُمیتی ءَ را چہ دیم ءَ برگ ءَ ایں ۔ ایشی ءَ چہ پیسر جمعہ ءُ شمبے ءِ میانجی ئیں شپ ءَ میڈیا ءَ را بریفنگ دیگ ءِ وھد ءَ ڈی جی آئی ایس پی آر ءَ گوشت کہ بھارت ءَ وتی نندگی زوراکی ءَ را برجاہ دارگ ءَ وتی بالی گراب آنی تہ ءَ چہ ھوائی ءَ چہ زمین ءَ میزائل شنگ کتگ ءُ نور خان ءِ ھوائی اڈہ، مرید بیس ءُ شور کورٹ ایئر بیس ءَ را نشانگ جوڑ کتگ۔ بلے پاک فضائیہ ءِ درستیں مڈی ایمن انت۔ ڈی جی آئی ایس پی آر ءَ گوشت کہ بھارت ءَ ھم اوگانستان ءِ سر ءَ میزائل شنگ کتگ ءُ ڈرون اُرش ھم کتگ۔ آئی ءَ گوشت کہ بھارت وتی جنون، زوراکی ءُ دغا ءِ گوما دمگ ءَ را یک خطرناکیں جنگ ءِ نیمگ ءَ کشگ ءَ اِنت۔ بھارت ءَ گوں تران کنان ءَ آئی ءَ گوشت کہ ما آئی ءِ (بھارت) ءِ زور، چالاکی ءُ زوراکی ءَ چہ ترس ءُ بیم ءِ آماچ بوھگ ءَ نہ ایں ۔ بس مئے پسو ءِ ودار ءَ بہ کنت۔
