پاک فوج ءَ بھارت ءِ زوراکی ءِ ھلاپ ءَ آپریشن “بُنیان مرسوس ” بندات

راولپنڈی ۔10مئی (اے پی پی):پاک فوج ءَ بھارتی زوراکی ءِ ھلاپ ءَ آپریشن “بنیان مرسوس ” ءِ بندات کتگ ۔ آپریشن ءِ بندات ءَ برہموس ءِ اسٹوریج سائٹ، اودھم پور ءِ بالی پٹ ءُ پٹھان کوٹ ءِ بالی پٹ تباہ کنگ بوتگ۔ سیکورٹی وسیلگ ءِ رد ءَ پاکستانی لشکر ءَ شمبے ءِ روچ ءَ بیگاہ ءَ آپریشن ”بونیان مرسوس “ ءِ باقاعدہ بندات کتگ۔ پاک فوج ءَ آپریشن ءِ بندات ءَ بھارتی دیمپانی تنصیبات ءِ سر ءَ میزائل تیر گواری کتگ کہ ایشی ءَ تاں انوگ ءَ برہموس ءِ اسٹوریج ھلاس کتگ۔ اودھم پور ائیر بیس پاک فوج ءِ آپریشن ءِ وھد ءَ تباہ کنگ بوتگ۔ پاک فوج ءَ میزائل تیرگواری کتگ، پٹھان کوٹ ءِ بالی پٹ ھم تباہ کتگ۔ بھارت ءِ گیشتر جاگہ آں اُرش برجاہ انت۔ پاکستان ءِ آپریشن ءِ نام آپریشن “بانیان مرسوس” اِنت کہ ایشی ءِ بزانت آہن ءِ دیوال اِنت۔ اے چہ قرآن مجید ءِ سورہ الصف (آیت 4) ءَ زورگ بوتگ کہ اودا اللہ تعالیٰ گشیت: “بے شک اللہ تعالیٰ ہما مردماں دوست دار ایت کہ آئی ءِ راہ ءَ صف ءُ صفاں جنگ کن انت چو کہ آ یک آہن ءِ دیوالے بہ بنت۔”