آپریشن آئرن وال (بونیان) ءِ بندات ھندی اڈہ آں نشانگ جوڑ کنگ ءَ کنگ بوتگ کہ چہ آھاں پاکستان ءِ مسیت، زالبول ءُ زھگانی سر ءَ اُرش کنگ بوتگ

راولپنڈی ۔10مئی (اے پی پی): پاکستان ءِ سلاہ بندیں اُرد ءَ سرجمیں زور ءَ گوں آپریشن بنیان مرسوس (آہنی دیوال) بندات کتگ ءُ بھارتی اڈہ آں نشانگ جوڑ کتگ کہ چہ اودا پاکستان ءِ مسیت، زالبول ءُ زھگانی سر ءَ اُرش کنگ بوتگ۔ سیکورٹی وسیلگ ءِ رد ءَ پاکستانی سلاہ بندیں اُرد ءَ بیس ءِ دمگ ءَ برہموس ءِ ذخیرہ کنگ ءِ جاہ، اودھم پور ءِ بالی پٹ ءُ پٹھان کوٹ ءِ بالی پٹ ءَ نشانگ جوڑ کنگ ءَ سئے فتح میزائل تیرگواری کتگ۔ ہر سئیں تنصیبات سرجم ءَ ھلاس بوتگ انت۔ پاک فوج ءَ ھندوستان ءِ بریگیڈ ءِ ہیڈ کوارٹر کامیابی ءَ نشانگ جوڑ کتگ ءُ اُری ءَ سپلائی ڈپو وتی میزائل ءَ گوں تباہ کتگ۔