اسلام آباد۔ 09مئی (اے پی پی) نائب وزیراعظم و وزیرخارجہ سینیٹر محمد اسحاق ڈار ءِ برطانیہ نا وزیرخارجہ ڈیوڈ لیمی ٹیل فون کرے و شاری تا جون تا است ہسون نسخان آ ہڑزخواہی نا درشانی ءِ کرے۔ جمعہ نادے آ دفترخارجہ نا رداٹ نائب وزیراعظم اودے پاکستان نا چندی شارتیا بھارت نا غیرکانودی و بلااشتعال جلہو آتا سوب آن علاقائی حالیت آتیان معلومدار کرے ہراٹی زالبول، چناو پیرانگا بندغ آتون اوار بے گناہ شاری تا شہادت مس۔ اوپارے کہ پاکستان جہانی کانود و اقوام متحدہ نا چارٹر نا داخلاف ورزی ہراڑآن علاقائی امن و سلامتی ءِ خطرہ ءِ، آ سگ انا درشانی ءِ کرینے۔ نائب وزیراعظم و وزیرخارجہ پارے کہ حکومت پاکستان ملک انا وتواجہی و علاقائی سالمیت نا دفاع کن سنبرینگوک ءِ۔ برطانیہ نا وزیرخارجہ ڈیوڈ لیمی داحالیت آتیا گڑتی نا درشانی ءِ کرے و شاری تا جون نا است ہسون نسخان تیا است ہسونی نا درشانی ءِ کرے۔ اوہڑتوم آ فریق آتے سگ آن کاریم ہلنگ و بے چیٹی ءِ کم کننگ نا گرج آ زور شاغا۔
