اسلام آباد۔ 09مئی (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ محصولات آتیٹی ودکی و غیرکانودی واپار نا برخلاف گچین گام گیج کننگ انگ ءِ، خراج نظام اٹی اصلاحات، انصاف ، کارکڑد ، و زرگزرانی شمولیت نا اصول آتے مون آ تخسا کننگ انگ ءِ ۔ اوداہیت ءِ جمعہ نادے آ لندن اٹی برٹش امریکن ٹوبیکو نا سینئر نمائندہ غاتون اوڑدہی ٹی پارے ، ہراٹی غیرکانودی واپار، جعلی تمباکو مصنوعات، و پاکستان اٹ ساڑی آ ایکسائز ڈیوٹی نظام نا اثرآتیا گپ وتران کننگا۔ برٹش امریکن ٹوبیکو نا نمائندہ غاک پاکستان نا تمباکو بشخ اٹی اسمگلنگ و جعلی مصنوعات آتا ودوک آ چیلنج آ تینا خیال آتا درشانی ءِ کرے۔ کمپنی داہیت آ زور شاغا کہ بڑز و غیرمتوازن ایکسائز ڈیوٹی پنجرغیرکانودی کاروبار ءِ غیر ارادی وڑاٹ مون آ درینے ، ہراڑآن باضابطہ مارکیٹ ءِ نسخان رسینگانے و حکومت ءِ بھلو خراج کٹیاسے آن محروم کننگانے۔ اوسلاہ تس کہ اسہ معقول و پیش گوئی سے نا قابل ڈیوٹی نظام آن غیرکانودی واپار نا مون ءِ توننگ مریک، صارف آتے کانودی چینل آتاکنڈآ اتنگ مریک، ووخت اتون اوار اوار حکومت کن زیات خراج کٹیا ودی کننگ مریک۔ اوزور شاغا کہ داوڑنا فریم ورک بشخ ءِ مرکزی دنگ اٹ اتنگ، روا کاروبار نا مون آ دننگ، و گچین ریگولیٹری چاروکی کن کمکار مریک۔ وزیرخزانہ اورنگزیب داباندات ءِ اسہ روا گڑتی اس گوندسا باوری کرفے کہ دا ویل بروک آ بنجائی بجٹ نا تیاری ٹی سنجیدگی اٹ سجفنگک۔ اوحکومت نا گیشتر عزم انا درشانی ءِ کرے ہراٹی محصولات آتیٹی ودکی، چندی بشخ آتا رسمی حیثیت اختیار کرفنگ، و غیرکانودی واپار نا برخلاف گچین نفاذ اوار ءِ۔
