راولپنڈی۔ 09مئی (اے پی پی) پاکستان نا سلہہ بند فوج جمعہ نا سہب انا وختی ڈرون پاکپتن و اوکاڑہ ٹی پین 6 بھارتی ڈرون آتے خلکنے بٹینے، اسہ ڈرون اس ہم تینا نشانہ اسکان سرمننگ کتنے، پاکستان نا سلہہ بند فوج داتم اسکان دشمن نا 77 ڈرون آتے خلکنے بٹینے۔ سیکورٹی حوالی نا رداٹ دشمن نا کنڈآن جمعہ نا سہب انا وختی پاکپتن و اوکاڑہ نا علاقہ غاتیٹی 6 ڈرون گدریفنگا۔ پاک فوج بے کچ مہارت اٹ غٹ 6 ڈرون آتے خلک بِٹے۔ دشمن نا ڈرون تا کمک اٹ جلہو نا غٹ تر کوشست آتے بے سہب کرے۔ داتم اسکان پاکستان نا فوج بھارت نا کل 77 ڈرون آتے بھس کرینے۔ 8 مئی نا شام اسکان 29 بھارتی ڈرون آتے خلکنے بٹینے وخت اس کہ اِستو آن اینو اسکان پین 48 ڈرون آتے بھس کننگا۔ پاک فوج دشمن نا جارحیت نا پبی ورندی ءِ تننگ ءِ۔
