وزارت اقتصادی امور نا ایکس اکاؤنٹ ءِ ہیکرآتا کنٹرول آن کشنگا، ترجمان

اسلام آباد۔ 09مئی (اے پی پی) وزارت اقتصادی امور نا ایکس اکاؤنٹ ءِ ہیکرآتا کنٹرول آن کشنگا۔ وزارت اقتصادی امور نا ترجمان جمعہ نادے آ داڑے جاری بیان اٹی پارینے کہ حکومتی ادارہ غاتا کوشست آن ہیکرآتا کنڈآن کروک آ متنازعہ پوسٹ ڈیلیٹ مسنے و اکاؤنٹ فی الحال ڈی ایکٹیویٹ کرفنگانے۔ ترجمان پارے کہ دشمن تدوک آ نن ایکس اکاؤنٹ ءِ ہیک کرسا پاک بھارت بے چیٹی نا بابت نامناسب پوسٹ کرے و جہانی ادارہ غاتا مون آ پاکستان ءِ بدنام کننگ نا سازش کرے ولے وزارت اقتصادی امورو حکومتی ادارہ غاتا اسیجائی کوشست آن دشمن نا داسازش ءِ بے سہب کننگا۔