کوئٹہ۔ 09 مئی (اے پی پی) بلوچستان نا وزیر آبپاشی ، پیپلزپارٹی نا سینٹرل کمیٹی نا باسک و پارلیمانی لیڈر میر محمد صادق عمرانی پارینے کہ بھارت جہانی اصول آتا برخلاف پاکستان نا سالمیت و وتواجہی ءِ لتاڑسا ہراوڑاٹ ملک انا چندی علاقہ غاتیٹی ڈرون تا کمک اٹ جاسوسی کننگ نا بے سہب کوشست کرے اوداہیت انا شاہدی ءِ کہ بھارتی حکمران و اونا فوج تینا تدوک آ نن نا جلہو آتا بے سہبی و جگ ہنسائی آ ہبکئی نا گواچی مسنو۔ داخیال آتا درشانی ءِ او تینا جاری بیان اٹی کرے۔ میر محمد صادق عمرانی پارے کہ پاکستان اسہ زموار ءُ ملک اسے و پاکستان نا سلہہ بند فوج دہشت گردی نا برخلاف جنگ اٹی تدوک آاِرادہائی آن صف اول نا کڑد ءِ ادا کننگ ءِ ہنداسوب آن داسہ ہم وخت ارے کہ بھارت ہوش کے۔ صوبائی وزیر پارے کہ مسیت و کودک شاری تیٹی کودک چناتے ہراوڑ شست کننگا نن تینا شہید آتا خون ءِ زیان مننگ کن اِلیپنہ و زوت بھارت آن دا بے گناہ تا خون نا حساب ءِ ہلنگک۔ میر صادق عمرانی پارے کہ دا جنگی حالیت اٹی پاکستان نا الس نا جوش وجوزہ و فوج اتون ہم کوپہ جنگ تننگ نا عزم مستین نا یات ءِ تازہ کرینے و ہمودے مراف ہراتم بھارت ءِ سفارتی ، جنگی و ایلو پڑتیا ہروارآنبار شکست تون مون تروئی تمک ۔
