اسلام آباد۔ 09مئی (اے پی پی) چیئرمین سینیٹ سید یوسف رضاگیلانی کارڈینل رابرٹ پریووسٹ ءِ کیتھولک مسیحی تا پوسکن آ پوپ گچین مننگ آ مبارکبادی تسنے۔ جمعہ نادے آ تینا کلہو اٹی چیئرمین سینیٹ پارے کہ رابرٹ پریووسٹ نا پوسکن آ کیتھولک راہشون مننگ نئے بیرہ جہانی مسیحی برادری کن اہم موقع اسے بلکن بین المذاہب ہم گرنچی و امن نا مون آ دننگ اٹ ہم اسہ مزل نا نشان اس جوڑمننگ کیک۔ اواومیت ظاہر کرے کہ رابرٹ پریووسٹ مچ آ دنیا ٹی رواداری، مہرومریبت و ایلمی نا مون آدننگ کن تینا کڑد ءِ ادا کرسا کیک۔ پاکستان مذہبی ہم گرنچی و اقلیت آتا حق انا رکھ اکن سنبرینگوک ءِ۔ چیئرمین سینیٹ جہانی مسیحی برادری ءِ ہم مبارکبادی تسنے و اونا روشنا آخبت کن نیک است خواہی نا درشانی ءِ کرے۔
