اسلام آباد۔9مئی (اے پی پی): جمعہ ءِ روچ ءَ آذربائیجان ءِ درئی کارانی وزیر جیہون بایراموف ءِ نیمگ ءَ چہ نائب مزن وزیر ءُ درئی کارانی وزیر سینیٹر محمد اسحاق ڈار ءَ را ٹیلی فون ءِ سر ءَ گپ ءُ تران بوتگ۔ درئی کارانی کارگس ءِ جارچین ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ آھاں دمگی جاور ھال آنی بابت ءَ سرپد کت۔ درئی کارانی وزیر جیہون بیراموف ءَ بھارت ءِ ناجائزیں ءُ بے سوبیں اُرش آنی رد ءَ پاکستان ءِ گوما مھکمیں یکوئی ءُ کمک ءِ درشانی کتگ کہ پاکستان ءِ وت واجہی ءُ سرزمین ءِ یکوئی ءِ ھلاپ ورزی ءَ کن اَنت۔ آئی ءَ پاکستان ءِ الس ءَ را بے گناہیں جانی برآب ءِ پد ءَ دلپدردی ءِ درشانی کت۔ دوئیں ملک آنی نیام ءَ مھکمیں براتی سیادی آناں یک رندے پدا پدر کنان ءَ دوئیں سروک آں نزیکیں رابطہ ءِ تہ ءَ برجم بوھگ ءِ سر ءَ تپاک کت۔
