اسلام آباد۔9مئی (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ برطانیہ ءِ درئی کارانی وزیر ڈیوڈ لیمی ءِ ٹیلی فون ءِ سر ءَ شہری آنی جانی بیرانی ءِ سر ءَ دلپدردی ءِ درشانی کت۔ جمعہ ءِ روچ ءَ درئی کارانی کارگس ءِ رد ءَ نائب مزن وزیر ءَ پاکستان ءِ بازیں شہر آنی سر ءَ بھارت ءِ ناجائز ءُ بے سوبیں اُرش آنی سبب ءَ دمگی جاور ھال آنی بابت ءَ سرپدی دات کہ ایشی ءِ آسر ءَ زالبول، زھگ ءُ پیریں مردم ھوار بے گناہیں شہری شہید بوتگ اَنت۔ آئی ءَ گوشت کہ پاکستان ءَ میاں اوستمانی کانود ءُ اقوام متحدہ ءِ منشور ءِ ھلاپ ورزی آں گوں گر ءُ چیل بوھگ ءِ تہ ءَ گر ءُ دار ءِ درشان کتگ کہ ایشی ءَ چہ دمگی امن ءُ ایمنی ءَ را ھترہ کیت۔ نائب مزن وزیر ءُ وزیر ءِ درئی کار ءَ گوشت کہ پاکستان ءِ حکومت ملک ءِ وت واجہی ءُ سرزمین ءِ یکوئی ءِ رکھینگ ءِ واستہ جزمیگ انت۔ برطانیہ ءِ دری کارانی وزیر ڈیوڈ لیمی ءَ اے جاور ھال آنی سر ءَ سک باز دلپدردی ءِ درشانی کتگ ءُ شہری آنی بیرانی ءِ غمناکیں تاوان ءِ سر ءَ دلپدردی ءِ درشانی کتگ۔ آئی ءَ دوئیں نیمگ ءِ تحمل ءِ ضلورت ءِ سر ءَ زور پر دات ءُ کشاں چیل ءَ را کم کنگ لوٹ زور پر دات۔
