اسلام آباد۔9مئی (اے پی پی): وفاقی وزیر ءِ راجی وردن ءُ وراک ءِ سلامتی ءُ پٹ ءُ پول راناتنور حسین ءَ گشتگ کہ سلاہ بندیں اُرد ءَ ہندوستان ءِ عزائم ءِ سرا زھر شانی کتگ ءُ سرجمیں پارلیمنٹ ءُ راج پاکستانی سلاہ بندیں اُرد ءِ ھمراہ انت۔ جمعہ ءِ روچ ءَ راجی اسمبلی ءَ وتی ھیالانی درشان کنان ءَ رانا تنویر حسین ءَ گوشت کہ پاکستان ءِ سر ءَ بھارت ءِ بھتام بے بن ءُ راستی ءِ ھلاپ انت۔ ہندوستان ءَ وتی ناجائزیں قبضہ ءِ جموں ءُ کشمیر ءَ ہما چاگرد جوڑ کتگ آ چاگرد ناشرکاری انت ۔ ہندوستان پاکستان ءِ وجود ءَ برداشت نہ کنت۔ ہندوستان ءَ ہر وھد ءَ کہ موہ رستگ گڑا پاکستان ءَ تاوان دیگ ءَ چک ءُ پد نہ بوتگ بلے مئے سلاہ بندیں اُرداں مدام وتی نا شریں ارادہ ناکام کتگ انت۔ آئی ءَ گوشت کہ وھدے بھارت ءَ وتی ناجائزیں رنگ ءَ قبضہ کتگیں جموں ءُ کشمیر ءِ ھاسیں درجہ رد کت گڈا مارا ھما وھد ءَ لائکیں پسو دیگی ات۔ اے وھد ءَ ھندوستان ءُ اسرائیل ءِ نیام ءَ اتحاد است انت۔ اسرائیل غزہ ءَ اِنت ءُ مودی ہندوستان ءِ ناجائزیں قبضہ ءِ جموں ءُ کشمیر ءُ پاکستان ءَ زوراکی کنگ ءَ اِنت۔ مودی اے گپ ءَ بہ زانت کہ پاکستان غزہ نہ انت۔ منی حلقہ ءِ ورنا من ءَ توار کنگ ءَ انت کہ مارا ہندوستان ءِ ھلاپ ءَ جنگ ءِ ھاترا رجسٹرڈ بہ کن۔ سرجمیں پاکستانی راج پاکستانی لشکر ءِ ھمراہ اِنت ۔ مئے سلاہ بندیں اُرد دگنیا ءِ جوانیں اُرد آنی تہ ءَ ھوار اَنت۔ مئے سلاہ بندیں اُرد آنی پیشہ وارانہ لیکہ ءَ را اقوام متحدہ ءُ میاں اوستمانی گل آنی نیمگ ءَ ھم منگ بوتگ۔ آئی ءَ گوشت کہ مئے کر ءَ نوکیں جنگی جہاز ءُ سلاہ آنی ھوار ایمان ءِ روح ھم است انت۔ مئے شاہیناں دنیا ءِ تہا اولی رند ءَ رافیل ءِ جنگی جہاز ایر جتگ انت۔ اگاں مودی ءِ گمان اِنت کہ آ گچینکاری ءَ زوراکی ءِ وسیلہ ءَ سوبمند بیت گڑا اے آئی ءِ جہالت اِنت۔ مودی ءِ شان ءُ شانت ءِ سرا زھر شانی کنگ بوتگ۔ سرجمیں پارلیمنٹ ءُ راج پاکستانی لشکر ءِ ھمراہ اِنت وھدے کہ ھندوستان ءَ اپوزیشن ءَ مودی ءِ پالیسیانی سر ءَ جُست چست کُتگ اَنت ۔ آئی ءَ گوشت کہ پاکستانی راج ءِ تہ ءَ ھچ وڑیں ترس ءُ بیم نیست ءُ سرجمیں راج یکمشت اِنت۔ ہندوستان یک ملکے کہ آئی ءِ آبادی یک ءُ نیم ارب اِنت۔ مودی ایشانی ھیالداری ءَ بہ کنت ءُ ایشاں ھچ وڑیں چکاس ءَ چہ مہ کنت۔
