اسلام آباد۔9مئی (اے پی پی): وزیر دیمپان خواجہ محمد آصف ءَ گوشت کہ پاکستان ءِ سلاھ بندیں اُرد ءِ نیمگ ءَ لاک، ورکنگ باونڈری ءُ میاں اوستمانی سیم سر ءِ سر ءَ ملک ءِ دیمپان ءُ جنگ ءِ رنگ ملک ءُ دمگ ءِ راجدپتر ءَ بے درور اِنت۔ اندری جیڈھ آناں راجی تپاکی ءِ وسیلگ ءَ گیش ءُ گیوار کنگ لوٹ ایت۔ دوستیں ملک پد ءَ پاکستان ءِ گوما اوشتاتگ اَنت ۔ جمعہ ءِ روچ ءَ قومی اسمبلی ءَ مولانا فضل الرحمن ءِ نیمگ ءَ برجاھیں بھارتی زوراکی ءِ ھوالگ ءَ چست کتگیں نکات آنی پسو ءَ وزیر دیمپان ءَ گوشت کہ دگنیا ءَ ھچ وڑیں ملک نیست کہ آئی ءِ گوما مئے سیادی مہ بیت۔ ما گوں خلیج ءِ ملکاں روچ پہ روچ رابطہ ءَ آں ۔ ایران ءِ درئی کارانی وزیر دو روچ پیش ادا اتکگ ءُ آئی ءِ گوما جتاجتائیں معاملہانی سرا گپ ءُ تران کتگ۔ درئی کارانی وزیر اسحاق ڈار ءَ روچ پہ روچ امارات، قطر، سعودی عرب ءُ چین ءَ گوں رابطہ انت۔ اقوام متحدہ ءِ تہا پاکستان کمیشن سلامتی کونسل ءُ ایندگر فورم آنی تہا ہندوستان ءِ زوراکیں ارادہ آنی سر ءَ سرگرمیں رنگ ءَ پسو دیگ ءَ اِنت ءُ ایشی ءِ آسر ھم درکپگ ءَ اَنت۔ یک دو ملکاں ہندوستان ءِ حمایت کتگ بلے آ یا غیر جانبدار انت یا پاکستان ءِ موقف ءِ حمایت ءَ کن انت۔ مئے سنگت پاکستان ءِ گوما ھاسیں رنگ ءَ اوشتاتگ اَنت۔ ترکی، چین ءُ آذربائیجان ءَ پاکستان ءِ حمایت ءَ چہ ھاسیں رنگ ءَ دراتکگ اَنت۔ ہاں بلے ہندوستان ءِ نزیکیں ہمراہ ہم آہانی ہمراہی ءَ اوشتاتگ نہ انت۔ اسرائیل مسلمان ءُ اسلام ءِ ھلاپ اِنت بلے گوں ھندوستان ءَ اِنت۔ آئی ءَ گوشت کہ مدرسہ آنی نودربر مئے دیمپان ءِ دومی لائن اَنت، آ تربیت ءَ گوں جوانیں رنگ ءَ لیس اَنت ءُ بھارت ءَ سول ڈیفنس ءِ ضلورت آنی واستہ کارمرد کنگ بوت کن اَنت۔ وزیر دیمپان ءَ گوشت کہ لاک، ورکنگ باونڈری ءُ انٹرنیشنل بارڈر ءِ سر ءَ مئے اُرد ءِ دیمپان ءُ جنگ ءِ رنگ ملک ءُ دمگ ءِ راجدپتر ءَ بے درور اِنت۔ اے گپ ءِ ھچ مثال نیست، مارا چہ وتی دیمپانی فورس ءَ ھپت رند ءَ گیشتر مھکمیں فورس ءِ دیمپانی کنگی اِنت، ما پنچ ھندی بالی گراب ایر کتگ اَنت، آ ھم راجدپتر ءِ بھر اِنت، گوستگیں روچ ءِ ڈرون ءِ اُرش مئے جاہ ءِ پجارینگ ءِ وسیلہ بوتگ، پمیشکا اے نشانگ نہ بیت ءُ وھدے کہ اے ڈرون ایمنیں حد ءِ تہ ءَ کاینت گڑا آ ایر کنگ بنت۔ آئی ءَ گوشت کہ تہی جیڈھ آناں راجی تپاکی ءِ وسیلگ ءَ گیواری کنگ بہ بیت، مزن وزیر ءَ بے مٹیں یکوئی ءِ پیغام داتگ، دری کارانی وزیر ءَ دری کارانی محاذ ءِ سر ءَ سرجمیں ھال آنی سر ءَ سرپدی داتگ، ایوان ءِ دیوان ھم برجاہ اِنت ءُ ما ایوان ءُ راج ءَ را ساھت پہ ساھت ءَ سرپد کن ایں، کس ءَ را شک مہ بیت کہ پاکستان ءِ ھاتر ءَ انوگیں رد ءُ بند ءِ رد ءَ پاکستان ءِ ھاتر ءَ . بہادری ءَ گوں ملک ءِ دیمپان ءَ کنگ ءَ اَنت، ہندوستان ءَ را مھکمیں پسو دیگ بوھگ ءَ اِنت، پاکستان ءِ راج ءَ را دلجمی بہ بیت کہ ھندوستان ءِ جزم ناکام بوتگ اَنت، ھندوستان ءِ راج پاکستانی راج ءِ دیم ءَ اِنت، حوصلہ ءِ سرا اِنت، ما آیوکیں لھتیں روچاں گُشیں کہ مئے فورسز چتور جنگ ءَ مقابلہ کنگ ءَ اَنت۔
