اسلام آباد۔9مئی (اے پی پی): جمعہ ءِ روچ ءَ راجی اسمبلی ءَ بھارت ءِ نیمگ ءَ پاکستان ءِ سر ءَ برجاھیں زوراکی ءِ سر ءَ وتی بحث برجاہ داشتگ ءُ جتا جتائیں سیاسی گلانی باسکاں وتی ھیال ءُ لیکہ درشان کتگ اَنت۔ پاکستانی اُرد ءِ گوما سرجمی ءَ یکوئی ءِ درشان کنان ءَ آئی ءَ وطن ءِ رکھینگ ءِ واستہ ھمک رنگ ءِ قربانی دیگ ءِ جزم ءِ درشان کت۔ گپ ءُ تران ءِ تہا بہر زورگ ءَ پیپلز پارٹی ءِ حاجی رسول بخش چانڈیو ءَ گشتگ کہ مودی ءِ جعفر ایکسپریس ارش ءُ پہلگام ءَ بوتگیں ناشرکاری مذمت انت۔ مئے سلاہ بندیں اُرد ءَ ھندی زوراکی ءِ ھلاپ ءَ جنگ ءِ راہ ستا کرز اِیت۔ سرجمیں پاکستانی راج پاکستانی لشکر ءِ ھمراہ اِنت ۔ انشاءاللہ ما وتی فورسز ءَ گوں دیم پہ دیم ءِ لیکہاں یکجا بہ بئیں ءُ پاکستان ءَ تاوان دیگ نہ دیاں ۔ ثنا اللہ مستی خلیل ءَ گوشت کہ بھارت ءَ پاکستان ءِ سر ءَ ھما زوراکی ایر کتگ ما ایشی ءَ را مذمت کن ایں ۔ پاکستان ءِ ھلاپ ءَ ناشرکاری مُدام کنگ بوھگ ءَ اِنت ءُ آئی ءِ تاک گوں ھندوستان ءَ ھمگرنچ کنگ بوھگ ءَ اِنت۔ مئے مغربی سیمسر آنی سر ءَ بوھوکیں آپریشن آنی تہ ءَ بھارت ھوار اِنت۔ پہلگام ءِ اُرش دروگیں پرچم ءِ آپریشن اِنت ۔ اُرش ءَ چہ دہ منٹ ءَ پد پاکستان ءِ سرا ملامت کنگ بوت کہ ایشی ءَ چہ ہندوستان ءِ نزوریں موقف ءِ درشانی کنگ بیت۔ آئی ءَ گوشت کہ بھارت ءِ ناجائزیں قبضہ ءِ چیر دستی ءَ جموں ءُ کشمیر ءَ 7لکھ بھارتی فوج ءِ ھست بوھگ ءَ ابید ھم پہلگام ءِ اُرش ایشانی اُرد آنی ناکامی اِنت۔ ہندوستان ءَ سندھ ءِ آپانی معاہدے ءِ سرا اُرش کنان ءَ یزیدی ءِ راجدپتر ءَ پدا پدا کتگ۔ آئی ءَ گوشت کہ پاکستان ءِ سلاہ بندیں اُرد ءُ الس ءِ نیمگ ءَ بھارت ءَ را داتگیں لائکیں پسو راجدپتر ءَ ابدمان کنگ بیت۔ پاکستان مئے لال لیکہ اِنت ءُ ایشی ءِ ھاتر ءَ ما وتی جان ءُ مال ءِ قربان کنگ ءَ نہ ترسیں۔
