اسلام آباد۔9مئی (اے پی پی): جمیعت علما اسلام ف ءِ سروک مولانا فضل الرحمن ءَ گوشتگ کہ بہادری ءُ جوانیں حکمت عملی ءَ پاکستان ءِ سلاھبند اُرد ءَ ملک ءِ دیمپان کتگ ایش ستا کرز انت۔ یہودی ءُ ہندو آنی یکوئی مئے راجی یکوئی ءِ بہر بہ بیت۔ وھد اتکگ کہ ما وتی دیمپانی ادارہاں مہکم بہ کنیں ءُ آہانی پشت ءَ بہ اوشتاں۔ جمعہ ءِ روچ ءَ راجی اسمبلی ءَ بھارت ءِ نیمگ ءَ پاکستان ءِ جتا جتائیں جاھاں اُرش آنی ھوالگ ءَ برجاھیں بحث ءَ بھر زورگ ءَ مولانا فضل الرحمن ءَ گوشت کہ اے یک راستی یے کہ اے وھد ءَ پاکستان بھارت ءِ زوراکی ءِ ھلاپ ءَ جنگ ءَ دیم پہ دیم اِنت۔ ھندوستان ءَ مسیت ءُ مدرسہ ءُ سیول ایریا ءِ سر ءَ راکٹ جت ءُ مئے برات ءُ گھار شھید بوت اَنت ۔ بلے من ھما بہادری ءُ زیبائیں حکمت عملی ءَ را شگر ءُ منت گراں کہ پاکستان ءِ سلاہ بندیں اُرداں ملک ءِ دیمپان کتگ۔ مئے پارٹی ءَ مرچی سرجمیں ملک ءَ راج ءِ دیمپانی روچ ءِ بستار ءَ برجم دارگ ءِ پیسلہ کتگ ءُ چہ درستیں مکتب فکراں اپیل کتگ کہ آ ہندوستان ءِ زوراکی ءِ سکیں مذمت ءَ بہ کن انت، پاکستان ءِ موقف ءَ را پدر بہ کن انت ءُ راج ءَ را یکجاہ بوھگ ءِ سکین ءَ بہ دنت۔ اے درگت ءَ 11 مئی ءَ یک مارچ ءِ برجم دارگ بیت کہ اودا پاکستان ءِ الس سرجمی ءَ وتی یکوئی ءِ درشان ءَ کن اَنت ءُ پاکستان ءِ موقف ءَ را پدر کن اَنت۔ 15 مئی ءَ کوئٹہ ءَ روانک کشگ بیت۔ یکم مارچ ءَ دیوان بیت کہ ایشی ءِ تہا بلوچستان ءِ مہلوک وتی تپاکی ءَ درشان کن انت۔ آئی ءَ گوشت کہ گوستگیں روچاں حکومت ءَ ورنا آناں سول ڈیفنس کور ءَ تہی کار زورگ ءِ واستہ گوشتگ۔ ما وتی انصار اسلام ءِ محکمہ ءَ را سول ڈیفنس ءِ بابت ءَ ہدایت داتگ کہ اودا انصار اسلام ءِ ورنا ہرجاہ کہ کمک ءِ ضلورت بیت وتی کرد ءَ پیلو کن انت۔ ہندوستان ءَ مئے مسیت ءُ مدرسہ نشانگ جوڑ کتگ انت ۔ من سرجمیں ایوان ءَ را دلجم کنگ لوٹاں کہ اگاں کسے پاکستان ءِ رکھینگ ءِ ھاترا دیم ءِ لیکہانی تہا جنگ ءَ تیار اِنت گڑا آ مئے مذہبی مدرسہانی نودربر بنت۔ منی سوج اِنت کہ حکومت مدرسہ ءِ بابت ءَ کانود ءُ وعدہانی سر ءَ عمل بہ کنت دانکہ اے پیغام دنیا ءَ سر بہ بیت کہ ما یکجاہ ایں ۔ آئی ءَ گوشت کہ اے جاور آنی تہ ءَ یکیں راجی یکوئی بہ بیت، ما جنگ ءِ تہ ءَ آں، جنگ ءِ تہ ءَ گُل پرشتگ نہ اَنت بلکیں آتشیں ھئور اَنت۔ آئی ءَ گوشت کہ اے وھد ءَ پاکستان ءِ درملک ءَ ھچ وڑیں سفارتی مشن نیست، اے جاور آنی تہ ءَ مئے سفارتی ڈل درملک ءَ بہ بنت، ما چین، سعودی عرب، ایران، امارات ءُ اوگانستان ءَ گوں ھوار بہ بئیں، ما ایوان ءُ الس ءَ را پاکستان ءِ سفارتی کوشست آنی بابت ءَ بہ گْوش ایں، اے گپ ھم پدر کنگ بہ بیت کہ اسرائیل ءَ پاکستان ءِ مردم کش اِتگ اَنت۔ مرچی ہندوستان ءِ نیمگ ءَ چہ یہودی ءُ ہندو آنی یکوئی مئے راجی یکوئی ءِ بہر بہ بیت۔ وھد اتکگ کہ ما وتی دیمپانی ادارہاں مہکم بہ کنیں ءُ آہانی پشت ءَ بہ اوشتاں ۔ سوچ ءِ تہا فرق است انت۔ بلے پہ راجی یکوئی ءَ ما ھمے رد ءَ ئیں، ءُ سرکار مئے دوستیں وتن ءِ جیڑہ ءِ سر ءَ مارا چہ وت ءَ دیم ءَ شوھاز کنت۔ مولانا فضل الرحمن ءَ گشتگ کہ سوشل میڈیا ءِ سرا ملکی ادارہانی حلاف ءَ پروپیگنڈا ءِ حلاف ءَ حکومت گامگیج بہ زوریت۔ اگاں ایوان مھکم بوھگ لوٹیت گڈا مارا یک مھکمیں پارلیمنٹ ءِ کرد پیلو کنگی اِنت، درستیں نزوری آں چہ رکگ لوٹ ایت۔
