اسلام آباد۔9مئی (اے پی پی): وفاقی وزیر تہی کار محسن نقوی ءَ 48کلاک ءِ تہا امریکی ادارُکی سفیر نیٹلی بیکر ءِ گوما وتی دومی ھاسیں گند ءُ نند کتگ، ایشی ءِ تہا آہاں ہند پاکستان ءِ نیام ءَ کش ءُ چیل ءُ سیم سر ءِ جاور ھال ءِ بابت ءَ ھیال ءُ لیکہ ءِ درشانی کتگ۔ وزیر تہی کار محسن نقوی ءَ امریکی چارج ڈی افیئرز نیٹلی بیکر ءَ را انوگیں کش ءُ گوری ءُ پیداکیں جاور ھال آنی بابت ءَ سرپدی داتگ۔ وزیر تہی کار محسن نقوی ءَ امریکی چارج ڈی افیئرز ءَ را بھارت ءِ ڈرون ناشرکاری ءِ بابت ءَ ھم سرپد کتگ۔ آئی ءَ گوشت کہ بھارت ءَ سرجمیں میاں اوستمانی کانود آنی ھلاپ ورزی ءَ چہ ڈرون ءِ وسیلگ ءَ شہری آبادی ءَ را نشانگ جوڑ کنگ ءِ نفرت انگیزیں کوشست کتگ۔ پاکستان ءَ جوانیں گامگیج چست کتگ ءُ درجناں ڈرون ءِ تیرگواری کتگ۔ اے دمگ ءِ خطرناکیں جاور ھال ءِ ھاتر ءَ ھندوستان ایوک ءَ ذمہ وار اِنت۔ کلیں دمگ جنگ ءِ کش ءَ اِنت۔ ما ہچبر ایمنی ءِ سرا زھر ءُ زھر ءِ اجازت نہ دئیں۔ اے موہ ءِ سر ءَ امریکی سفارتخانہ ءِ پولیٹیکل قونصلر زیک ہارکن رائیڈر ھم ساڑی اَت۔
