اسلام آباد۔9مئی (اے پی پی): قائمہ کمیٹی ءِ چیئرمین یوسف رضا گیلانی ءَ کارڈینل رابرٹ پریوسٹ ءَ را کیتھولک چرچ ءِ نوکیں پوپ ءِ بستار ءَ گچین بوھگ ءِ سر ءَ مبارک بات داتگ۔ جمعہ ءِ روچ ءَ وتی پیغام ءِ تہ ءَ چیئرمین اسٹیپ ءَ گوشت کہ رابرٹ پریوسٹ ءِ نوکیں کیتھولک رہشون ءِ گچینکاری نہ ایوک ءَ جھان ءِ عیسائی چاگرد ءِ واستہ یک ھاسیں موہ یے بلکیں اے بین المذاہب یکوئی ءُ امن ءِ دیمروئی ءِ تہ ءَ سنگ میل ءِ رنگ ءَ ھم ثابت بوت کنت۔ آئی ءَ امیت درشان کت کہ رابرٹ پریوسٹ سرجمیں دگنیا ءَ رواداری، مھر ءُ براتی ءِ دیمروئی ءِ تہ ءَ وتی کرد ءَ پیلو کنت۔ پاکستان مذہبی ہم آہنگی ءُ اقلیتانی حقانی رکھینگ ءِ ہاترا جزم انت۔ چیئرمین سینیٹ ءَ میاں اوستمانی مسیحی کمیونٹی ءَ را ھم مبارکی دات ءُ آھانی وشیں باندات ءِ ھاتر ءَ وتی نیکیں واھگ آنی درشان کت۔
