اسلام آباد۔ 08مئی (اے پی پی) سینئرپارلیمنٹرین و پی پی پی نا راہشون ڈاکٹر نفیسہ شاہ پارینے کہ نریندر مودی صیہونی طرزآ بھارت نا غیرکانودی کوزہ ٹی جموں وکشمیر اٹی کارروائی تا بناءِ کرینے، جہانی برادری بھارت نا طرز عمل نا نوٹس ءِ ہلے، پہلگام نا فالس فلیگ آپریشن نا کمک اٹ سندھ طاس معاہدہ ءِ شست کننگانے، مودی نا ہندو توانا نظریہ بھارت کن زیار اسے۔ پنچ شنبے نادے آ قومی اسمبلی ٹی بھارتی جارحیت نا بابت شرہ ٹی بشخ ہلسا اوپارے کہ بولی ووڈ بھارت و اونا مرکزی سٹنٹ مین مودی نا کنڈآن پاکستان نا وتواجہی ءِ لتاڑسا سویینم آبادی تے شست کرینے، نن شہید آتا خاہوت آتے خراج عقیدت پیش کینہ، بھارت دہشت گردی کرسا کودک سویلین آتے شست کرینے۔ ا وپارے کہ پاکستان پبی ردعمل نا درشانی ءِ کرینے و سلہہ بند فوج پوسکن آ رافیل جہاز آتے شکست تسنے، داکان مست ابھی نندن ءِ بھارت نا شکست نا علامت جوڑ کننگاسس۔ اوپارے کہ پاکستانی تے ڈرون جہاز آتے اٹ فریشان مننگ نا گرج اف، بھارتی جہاز داسہ پاکستان نا فضائی دنگ اٹ پترینگ انگ نا جیرت کننگ کپک۔ اوپارے کہ بھارت نا آپریشن نا پن ہم بالی وڈ سکرپٹ نا رداٹ ءِ، ننا ہرا ورندی مرے او شہید اسے نا پن آ مرے۔ بھارت اشتعال انگیز کارروائی کرینے و اونا پبی بایدے ورندی ءِ تننگے۔ پہلگام و پلوامہ آپریشن مودی نا سیاست ءِ بچفنگ کن کننگار، مودی صیہونی طرز آ کارروائی تا بناءِ کرینے۔ جہانی برادری بھارت نا دا طرزعمل نا نوٹس ءِ ہلے۔ پہلگام نا فالس فلیگ آپریشن نا کمک اٹ سندھ طاس معاہدہ ءِ شست کننگانے۔ اوپارے کہ بھارت ءِ پاکستان نا عزم و استقلال نا اندازہ اف، پاکستان نا الس ہروڑنا جنگ خنانے، نن دہشت گردی نا بابت تینا بیانیہ غا نظرثانی کین۔ 2000اٹی دہشت گردی نا بابت پاکستان ناموقف سہی ئس ولے ننے داسہ جارحانہ طرزعمل نا درشانی ءِ کروئی مریک، ننے دا باندات آ معذرت خواہانہ رویہ تخنگ نا گرج اف۔ بھارت کیہی عشرہ غان پاکستان اٹ دہشت گردی کننگ ءِ، نن بھارت نا الس ءِ پاننگ خوانہ کہ مودی نا ہندوتوانا نظریہ بھارت کن زیار اسے۔
