کوئٹہ۔ 08 مئی (اے پی پی) صوبائی اسمبلی نا باسک میر عبیداللہ گورگیج بھارت نا کنڈآن پاکستان نا برخلاف کروک آ جارحیت نا ترند انگا لوز آتیٹی مذمت ءِ کرینے۔ اوپارے کہ بھارت بلااشتعال شاری آبادی ءِ شست کرسا جہانی کانود نا خلاف ورزی کرینے، ہراناقابل برداشت ءِ۔ داہیت ءِ او تینا جاری کروک بیان اٹی پارے۔ اوپارے کہ پاکستان بھارتی اشتعال انگیزی نا پبی ورندی ءِ تننگک و ملک انا وتواجہی و علاقائی سالمیت نا رکھ اکن ہرممکن گام گیج کننگک۔ اونا پاننگ ئس کہ پاکستان نا سلہہ بند فوج و مچ آ قوم لمہ وطن نا اسہ اسہ انچ انا دفاع کن تیار ءُ۔ میر عبیداللہ گورگیج مستی پارے کہ پاکستان نا وتواجہی و علاقائی سالمیت نا رکھ اکن قوم انا عزم بدل مفروک ءِ و نن ہرجارحیت نا پبی ورندی ءِ تننگ چانہ۔
