کوئٹہ۔ 08مئی (اے پی پی)سیاسی و قبائلی راہشون سید جہانگیر شاہ پارینے کہ پاک فوج بھارت ءِ پبی ورندی ترسا دا پک کرینے کہ پاک فوج ملک انا سیم تا دفاع ءِ کننگ ءِ جوان وڑاٹ چاہک ، بھارتی جلہو اٹی بے گناہ شاری تا شہیدی مذمت نا قابل ءِ، مچھ اٹی سیکورٹی فورس آتیا دہشت گرد آتا جلہو اٹی شہید مروک آ سیکورٹی کارندہ غاک ننا پیشانی نا جھومر ءُ ہرافتا قربانیک زیان مفسہ۔ داڑے جاری مروک اسہ بیان اسے ٹی سید جہانگیر شاہ پارے کہ پاکستان نا ازلی دشمن بھارت نن نا تہاری ٹی پاکستان نا شاری علاقہ غاتے بمباری نا شست کرے ہراٹی چندی بندغ آک شہید و ٹھپی مسنو پاک فوج دمدستی کارروائی کرسا بھارتی جنگی جہاز و چیک پوسٹ آتے شست کرسا بھارت ءِ بھلو جانی و مالی نسخان اس تس و داپک کرے کہ پاک فوج ہرجلہو نا پبی ورندی ءِ تننگ نا پبی لائخی تخک۔ اوتدوک آ دے مچھ انا علاقہ ٹی دہشت گرد آتا جلہو اٹی سیکورٹی فورس آتا کارندہ غاتا شہیدی نا مذمت ءِ کرسا پارے کہ دہشت گرد آک تینا درملکی آقاتے خوش کننگ کن سیکورٹی فورس آتا کارندہ غاتے دہشت گردی نا شست کننگ ءُ ہراملک انا دشمن ءُ ہرافتے تون آہنی دوتے اٹ بایدے مون تننگے۔ اوپارے کہ ملک و خاص کر بلوچستان اٹی دہشت گردی نا برخلاف جنگ اٹی پاک فوج و ایلو سیکورٹی ادارہ غاتا ورناک تینا جون تے ندر کننگ ءُ۔
