اسلام آباد۔ 08مئی (اے پی پی) بنجائی وزیر خزانہ ومحصولات سینیٹر محمد اورنگزیب زرگزرانی سوگوی و پائیدار شونداری کن اصلاحاتی گام گیج آتے برجاتخنگ نا عزم ظاہر کرسااصلاحاتی ایجنڈاغا اسٹینڈرڈ چارٹرڈ کون آ جہانی شریدار آتا پت ءِ است بڈ گوندانے۔ اوداہیت ءِ پنچ شنبے نادے آ لندن اٹی اسٹینڈرڈ چارٹرڈبینک انا گلوبل چیف ایگزیکٹیو آفیسر مسٹربل ونٹرز تون اوڑدہی ٹی پارے۔ اوڑدہی ٹی پاکستان نا زرگزران اٹی بینک انا اہم و متکن آ کڑد انا ستاءِ کننگا و تین پہ تینی کمکاری ءِ پین سوگو کننگ آ گپ وتران مس۔ وزیرخزانہ پاکستان اٹ زرگزرانی اصلاحات و شونداری کن اسٹینڈرڈ چارٹرڈ بینک انا پدریسہ مخ تفی آ منت واری ءِ ہرفے، اوبینک انا ساڑی مالی کمکاری نا ڈٹ آتیا ہم گپ وتران کرے و بینک انا کمکاری ءِ ستاکڑزوک گوندا۔ وزیرخزانہ پارے کہ حکومت زرگزرانی سوگوی و پائیدار شونداری کن اصلاحاتی گام گیج آتے برجاتخنگ اٹ سنبرینگوک ءِ۔ وزیرخزانہ حکومت نا اصلاحاتی ایجنڈاغا اسٹینڈرڈ چارٹرڈ کون آ جہانی شریدار آتا پگ ءِ است بڈ گوندا۔ بل ونٹرز پاکستان نا زرگزرانی اصلاحات و سوگوی نا سفیر نا ستاءِ کرے و پاکستان ءِ ہرممکن کمک فراوان کننگ نا باوری کرفے۔ اوپاکستان نا شونداری ہدف آتا دوئی کننگ اٹ مریس مدی شریداری نا باوری کرفے۔ اوڑدہی ٹی ہڑتوم آکنڈآن تین پہ تینی کمکاری ءِ پین مون آ دننگ نا عزم انا درشانی ءِ کننگا۔
