اقوام متحدہ۔ 08مئی (اے پی پی) اقوام متحدہ جھیڑہ غاتیان پد بھارت وپاکستان آن تحمل نا درشانی ءِ کننگ نا خواست کرینے۔ اقوام متحدہ پاکستان و آزاد کشمیر نا گڑاس بشخ آتیا بھارتی میزائل جلہو آتا رداٹ ہڑتوم آ ملک آتے صبرآن کاریم ہلنگ و ہمو گام گیج آتیان پاناد کننگ نا خواست کرینے ہرافتیان بے چیٹی ٹی پین ودکی مرے۔ یواین ہیڈ کوارٹر اٹی اسہ نیوز حوال اسے ٹی ادارہ نا ترجمان سٹیفنی ٹرامبلے داہیت انا درشانی ءِ کرے کہ دنیا سویلی ایشیاٹی اِرا ہمسایہ ملک آتا نیام اٹ فوجی جھیڑہ غاتے سگنگ کپک۔ داسوج انا انت بھارت و پاکستان اٹی کشمیر اٹی لائن آف کنٹرول نا چاروکی ءِ کروک آ اقوام متحدہ نا مبصر گروپ (یواین ایم او جی آئی پی) نا کارندہ غاک رکھ ءُ، اوپارے کہ یواین کارندہ غاک رکھ ءُ۔

متعلقہ مضامینمصنف کی طرف سے مزید