لاہور۔8مئی (اے پی پی): لاہور بالی پٹ ءِ نزیک ءَ پاکستانی سیکورٹی فورسز ءَ پنچ شمبے ءِ بیگاہ ءَ ھندی ڈرون ءِ تیر گواری کتگ ۔ گشگ بیت کہ اے ڈرون ءِ دراج 5 تاں 6 فٹ ءِ کساس ءَ بوتگ ءُ ایشی ءَ را سرحد ءِ دگہ نیمگ ءَ چہ کارمرز کنگ بوتگ۔ پولیس ءِ وسیلگ ءِ رد ءَ پاکستانی سیکورٹی فورسز ءَ ڈرون ءِ وھد ءِ سر ءَ پجار کتگ ءُ آئی ءِ سسٹم جام کتگ ءُ زمین ءَ ایر کتگ۔ اے ڈرون پاکستان ءَ سکیں حساسیں جاھانی جاسوسی ءِ ھاترا روان دیگ بوتگ ءُ ایشی ءِ تہ ءَ تراکناکیں سامان ھم ھوار بوتگ کہ ناشرکاری ءِ واستہ کارمرد کنگ بوتگ اَنت۔ پولیس ءِ وسیلگ ءَ گْوشتگ کہ ھما وھد ءَ کہ ڈرون یک ھاسیں ماڑی یے ءِ نزیک ءَ سر بوتگ، آئی ءَ را ایر کنگ ءِ جھد ءِ وھد ءَ مزنیں تراکے بوتگ بلے ھچ وڑیں تاوان ءِ ھال رسگ ءَ نہ اِنت۔ پولیس ءِ کارندہاں گشتگ کہ وئیل ءَ چہ فوراً پد قانون نافذ کنوکیں ادارہاں دمگ ءِ انحصار کتگ ءُ گیشیں پٹ ءُ پول بندات کتگ۔ ڈرون ءِ ڈھانچہ ءُ ایشی ءِ تہ ءَ ھواریں چیز آنی سر ءَ چار ءُ تپاسی کنگ بوھگ ءَ اِنت تانکہ بھارت ءِ نیمگ ءَ چہ بوت کنوکیں ھترہ ءُ مول ءُ مراد آناں سرپد کنگ بہ بیت۔ قانون نافذ کنوکیں ادارہ جاہ ءَ انت ءُ پٹ ءُ پول کنگ ءَ انت کہ اے ڈرون پہ فوجی کاراں کارمرز کنگ بوتگ انت یا پہ جاسوسی ءَ روان دیگ بوتگ انت۔ دومی نیمگ ءَ پولیس ءِ وسیلگ ءِ رد ءَ لاہور ءِ دمگ والٹن، بارکی روڈ ءُ ڈیفنس ءَ مزنیں تیرگواری ءُ تراک ءِ توار بوت۔ اے وھد ءَ سیکورٹی فورسز ءِ نیمگ ءَ آئرن ءِ توار کنگ بوتگ کہ اے گپ ءِ اشکنگ ءَ پد مردم چہ وتی لوگاں دراتکگ اَنت۔ وھدے کہ ریسکیو آتش نشانی ءِ گاڑی جاہ ءَ سر بوت انت گڑا شہریاں راحت ءِ ساہ کش ات ءُ ’’پاکستان زندگ بات، پاک آرمی زندگ بات‘‘ ءِ نہردگ جت۔
