واشنگٹن ۔8مئی (اے پی پی): امریکی صدر ڈونلڈ ٹرمپ ءَ بھارت ءُ پاکستان ءَ چہ جنگ ءِ بند کنگ ءِ اپیل کتگ ءُ گشتگ کہ آ ایمنی ءِ معاہدے ءِ سر ءَ دوئیں ملکانی کمک ءَ تیار آں ۔ آئی ءَ گوستگیں روچ ءَ وائٹ ہاؤس ءَ گْوشتگ کہ اے سک ترسناک اِنت، من گوں آ دوئیں مردماں گند ءُ نند کن آں، من آ دوئیں مردماں شری ءَ زاناں ءُ من لوٹ آں کہ آ وتی کاراں بہ کن اَنت۔ من لوٹاں کہ آ زوراکی ءَ بند بہ کن اَنت۔ آئی ءَ گْوشتگ: من آ دوئیں شری ءَ زاناں ءُ من لوٹ آں کہ آ کار ءَ بہ گند اَنت ءُ منی اُمیت اِنت کہ آ نوں بند مہ بنت۔ امریکی صدر ءَ گوشت کہ پاکستان ءُ ھندوستان ءَ یکے دومی ءِ پسو داتگ پمیشکا گمان اِنت کہ آ نوں ٹینشن ءَ را بند کت کن اَنت بلے من آ دوئیں زاناں۔ ما دوئیں ملکاں گوں سک شریں وڑے ءَ ھوار بئیں، دوئیں ملکاں گوں شریں سیادی داریں، ءُ من لوٹاں کہ تناؤ بند بہ بیت، ءُ اگاں من کمک ءِ ھاترا ھچ کُت کناں گڑا من کناں۔
