راولپنڈی۔8مئی (اے پی پی): پاکستانی ارد ءَ تاں انوگ ءَ سافٹ کِل (ٹیکنالوجی) ءُ ہارڈ کِل (سلاہ) ءِ وسیلگ ءَ اسرائیل ءِ جوڑ کتگیں 25 ڈرون ءِ سر ءَ تیر گواری کتگ۔ آئی ایس پی آر ءِ رد ءَ 6/7 مئی ءَ بھارت ءِ بزدلیں اُرش ءَ پد کہ آئی ءَ 5 نوکیں ٹینک، ڈرون، بازیں پوسٹ تباہ کتگ ءُ ایشی ءِ آسر ءَ فوجی تاوان بوتگ، بھارت گھبراہگ ءَ اِنت ءُ اسرائیل ءِ جوڑ کتگیں ڈروناں گوں پاکستان ءِ سر ءَ اُرش کنگ ءَ اِنت۔ اے بزدلیں اُرش ھندوستان ءِ بے تاھیری ءُ بژن ءِ نشانی اِنت۔ بھارت ءَ را ھم لائن آف کنٹرول ءِ سر ءَ مزنیں تاوان رستگ ءُ بوھگ ءَ اِنت۔ اسرائیل ءِ جوڑ کتگیں ہرجوپ ڈرون ءِ ٹکر پاکستان ءِ جتا جتائیں دمگاں چہ درکپگ ءَ انت۔ آئی ایس پی آر ءِ گشگ اِنت کہ پاکستان ءِ سلاہ بندیں اُرد دژمن ءَ را لائکیں پسو دیگ ءَ اَنت ءُ آئی ءِ سرجمیں ارادہ ءَ ھلاس کنگ ءَ اَنت۔
