راولپنڈی۔8مئی (اے پی پی): پاکستان ءِ سلاہ بندیں اُرد ءِ جارکش لیفٹیننٹ جنرل احمد شریف چوہدری ءَ گوشت کہ پاکستان ءِ سلاہ بندیں اُرد ءَ بھارت ءِ دگہ یک زوراکی یے بے سوب کتگ۔ پاکستانی فوج ءَ ڈرون اُرشانی تہ ءَ راولپنڈی، بہاول پور، گجرانوالہ، اٹک، لاہور ءُ سندھ ءِ جتا جتائیں جاھاں 12 ڈرون ایر جتگ اَنت۔ یک لس مردمے بیران ءُ 4 پاکستان آرمی ءِ سپاھیگ ٹپیگ بوتگ اَنت۔ پنچ شمبے ءِ روچ ءَ میڈیا ءَ را بریفنگ کنان ءَ ڈی جی آئی ایس پی آر لیفٹیننٹ جنرل احمد شریف چوہدری ءَ گوشت کہ گوستگیں شپ ءَ بھارت ءَ پاکستان ءِ ھوائی دمگ ءِ سر ءَ پدریں رنگ ءَ اُرش کنان ءَ یک رندے پدا لگتمالی کتگ۔ ہندوستان ءِ نیمگ ءَ جتا جتائیں شہراں دیم داتگیں 12 ہارپون ڈرون ءِ سرا تیرگواری کنگ بوتگ۔ لاہور، گجرانوالہ، چکوال، راولپنڈی، اٹک، بہاول پور، مالنا، چھور ءُ کراچی ءِ نزیک ءَ تیرگواری بوتگیں بھارتی ڈرون انگت ءَ جم کنگ بوھگ ءَ انت۔ آئی ءَ گوشت کہ بدبھتی ءَ لاہور ءَ یک ڈرون ءِ یک فوجی تنصیب ءِ نشانگ جوڑ کنگ ءَ سوبمند بوتگ، ایشی ءِ آسر ءَ پاک فوج ءِ 4 سپاھیگ ٹپیگ بوتگ اَنت وھدیکہ سامان آناں جزوی تاوان بوتگ۔ پاک اُرد ءِ جارکش ءَ گْوشتگ: سندھ ءَ ڈرون ءِ چست ءُ ایر ءِ آسر ءَ یک شہری یے شھید ءُ یکے ٹپیگ بوتگ۔ آئی ءَ گوشت کہ بھارت ءَ 6 ءُ 7 مئی ءِ شپ ءَ پاکستان ءِ سر ءَ اُرش کتگ ءُ بے گناہیں شہری ءُ مسیت ھاسیں رنگ ءَ زالبول، زھگ ءُ پیریں مردم آناں نشانگ جوڑ کتگ ءُ ایشی ءِ پسو ءَ آئی ءَ را ھما شکست برداشت کنگی بوتگ کہ ایشی ءِ تہ ءَ آئی ءِ 5 بالی گراب ءُ بازیں ڈرون تیرگواری کنگ بوتگ اَنت، آئی ءَ را اے پوسٹ ءِ مزنیں تاوان ءِ دیمپانی کنگی بوتگ کہ ایشی ءَ چہ پد بھارت ءِ جوڑیشت ءُ تباہی ءِ دیم ءَ اتکگ۔ ھرچ احساس ءِ گار کنگ ءِ نزیک ءَ اِنت۔ پاک فوج ءِ جارکش ءَ گوشت کہ بھارت زوراکی یک سکیں مزنیں آشوبے ءُ شمئے اُرداں ایشی ءِ لائکیں پسو داتگ، آئی ءَ گوشت کہ پاکستان ءَ ڈرون روان دیگ ءِ عمل جاری اِنت ءُ پاکستانی اُرد یک یک ءَ آھاں نشانگ جوڑ کنگ ءُ ھلاس کنگ ءَ اَنت۔ لیفٹیننٹ جنرل احمد شریف چوہدری ءَ گوشت کہ دگنیا گندگ ءَ اِنت کہ بھارت نہ ایوک ءَ اے دمگ ءُ سرجمیں دگنیا ءِ ایمنی ءَ را ھترہ ءِ آماچ کنگ ءَ اِنت، ما نہ ایوک ءَ ھر وڑیں ھترہ ءُ ھر وڑیں زوراکی ءَ گوں دیم پہ دیم بوھگ ءَ زانیں، ما ایشی ءَ گوں دیم پہ دیم بوھگ ءَ ایں، بلے ما ایوک ءَ اے گپ ءِ سر ءَ دل یکیمی نہ کن ایں کہ زوراک آناں سرجمیں صلاحیت ءِ واھند بہ بئیں بلکیں اے کار ءَ ھم بہ کن ایں ۔ آئی ءَ گوشت کہ ایشی ءِ تہ ءَ ھچ شک نیست کہ بھارت اے نندگی زوراکی ءِ بھا ءَ دیگ ءَ اِنت ءُ دیم ءَ ھم دیگ ءَ اِنت۔
