اسلام آباد۔8مئی (اے پی پی): پی آئی اے ءِ جارکش ءَ گشتگ ملک ءِ استیں ایمنی ءِ جاورانی سبب ءَ پاکستان ءِ بالی آپریشن ءِ سرا اثر کپگ ءَ انت۔ ملکی ایئر لائنز ءِ اثاثہ ءُ مسافر آنی جان سلامتی ءِ واستہ روٹ آنی عارضی بندش المی اِنت۔ پنچ شمبے ءِ روچ ءَ پی آئی اے ءِ جارکش ءِ نیمگ ءَ جاڑی بوتگیں بیان ءِ رد ءَ ھوائی سلامتی ءِ رد ءَ احتیاطی گامگیج ءِ رد ءَ لھتیں روٹ آنی سر ءَ بندش جنگ بوھگ ءَ اِنت کہ ایشی ءَ چہ اے شوبگ آنی تہ ءَ بالی گراب آناں تاوان رسیت۔ روٹ آنی عارضی بندش ملکی ایئر لائنز ءِ اثاثہ ءُ مسافر آنی وتی جان سلامتی ءِ واستہ کنگ بوھگ ءَ انت۔ مسافراں گوں دزبندی انت کہ اے معاملہ ءِ حساسیت ءَ سرپد بہ بنت ءُ ایئر لائن ءِ کارندہ آں گوں ہمکوپگی بہ کن انت۔ مسافر آنی آسراتی ءِ واستہ پی آئی اے ءِ کال سینٹر ءَ وتی رجسٹرڈ فون نمبر آنی سر ءَ سرپد کنگ بوھگ ءَ انت۔ پی آئی اے ڈائیورٹ بوتگیں بالی گراب آنی مسافر آنی سرجمیں ھیالداری ءَ کنگ ءَ اِنت کہ ایشی ءِ تہ ءَ آھانی ورگ ءُ نندگ ءِ بندوبست ھم ھوار اِنت۔ مسافراں گوں دزبندی انت کہ آ بالی پٹ ءَ سر بوھگ ءَ پیسر پی آئی اے ءِ کال سنٹر ءُ ویب سائٹ ءَ چہ شور ءُ سلاہ بہ کن انت ءُ وتی بالی گرابانی بابت ءَ وھد ءِ سر ءَ سرپدی بہ زور انت۔
