اسلام آباد۔8مئی (اے پی پی): سینئر پارلیمنٹرین شازیہ مری ءَ گشتگ کہ مودی ءِ یکیں ایجنڈا انت، آ جنگ ءِ شور دیگ لوٹیت۔ پہلگام ءِ وئیل ءِ سر ءَ مزن وزیر ءَ ھاسیں رنگ ءَ گوشت کہ مئے ھچ کرد نیست۔ مئے بے تواری مئے نزوری زانگ مہ بیت۔ پنچ شمبے ءِ روچ ءَ قومی اسمبلی ءِ دیوان ءَ بحث ءَ بہر زوران ءَ شازیہ مری ءَ گوشت کہ مئے ھاموشی ءَ را مئے نزوری زانگ مہ بیت۔ ہندوستان ءَ پاکستان ءِ بابت ءَ ردیں ارزشت داتگ ۔ گوستگیں ماہ ءَ پاکستان ءَ یک سفارتی مراگشے برجم دارگ بوتگ ات کہ ایشی ءِ تہا لکھوں سکھ زائرین پاکستان ءَ اتکگ ات ءُ وتی مذہبی رسم ءُ رواج کتگ ات۔ آئی ءَ گوشت کہ مودی ءِ منشور ءَ کشمیر ءِ سر ءَ قبضہ ءُ اودا اقلیت آنی زندمان ءَ را مشکل جوڑ کنگ ھوار اِنت۔ مودی ءِ یکیں ایجنڈا اِنت، کہ آ جنگ ءِ شور دیگ لوٹیت۔ پہلگام ءِ وئیل ءِ سر ءَ مزن وزیر ءَ ھاسیں رنگ ءَ گوشت کہ مئے ھچ کرد نیست۔ شازیہ ماری ءَ گوشت کہ مزن وزیر ءَ اے وئیل ءِ بابت ءَ اقوام متحدہ ءِ رپورٹ رد کتگ۔ ہندوستان ءِ سرکار اے پٹ ءُ پول ءَ چہ شُتگ، پرچا کہ مودی سرکار زانت کہ اے وئیل ءَ کئے ھوار اِنت۔ آئی ئَ گوشت کہ پاکستان ءِ 250ملین اُلس وتی بہادریں اُرد ءِ گوما شانک ئَ اوشتاتگ اَنت۔ ہندوستان ءَ وتی رافیل ءِ سرا سک باز ناز بوتگ ات بلے مئے ایئر فورس ءَ ہم آئی ءِ ناز ھلاس کتگ ات۔
