اسلام آباد۔8مئی (اے پی پی): راجی اسمبلی ءَ پاکستان ءَ را پہلگام ءِ اُرش ءَ گوں ھمگرنچ کنگ ءِ بے بنیں کوشست آنی سر ءَ ھم تران کنگ بوت، بھارت ءِ نیمگ ءَ سندھ ءِ آپانی معاہدے ءِ یک نیمگی اُرش ءِ جار ءِ سر ءَ آئی ءِ قانونی ءُ قانونی ءِ ھلاپ ورزی ءِ رد ءَ پاکستان ءِ سر ءَ پیداکیں جاور ھال آنی سر ءَ ھم تران کنگ بوت۔ اے ساھت ءَ باسک آں شپ ءِ تہاری ءَ بھارت ءِ بزدلیں اُرش ءِ مذمت کت ءُ پاکستانی اُرد ءِ نیمگ ءَ داتگیں لائکیں پسو ءِ توسیپ کت کہ ایشی ءِ تہ ءَ دژمن وتی 5 بالی گراب گار کنگ ءَ پد وتی ٹپاں چاٹگ ءَ اِنت۔ قومی اسمبلی ءِ دیوان ڈپٹی اسپیکر صداغلام مصطفیٰ شاہ ءِ سروکی ءَ بندات بوت۔ پی ٹی آئی ءِ چیف وائپ عامر ڈوگر ءَ بحث ءِ بندات کنان ءَ گوشت کہ گجرات ءِ قصائی مودی ءَ شپ ءِ تہاری ءَ ملک ءِ سر ءَ اُرش کتگ، مئے اُرد لائکیں پسو دیگ ءِ توان ءَ دار اَنت۔ آئی ءَ گوشت کہ وتی حکومت ءِ ہدایت ءِ پد ءَ ما وتی طاقت ءِ گوما اوشتاتگ آں ۔ ہو ما راجی تپاکی ءِ کلوہ داتگ۔ راجی اسمبلی ءِ باسک محمد اقبال چنار ءَ گوشت کہ بھارت ءَ شپ ءِ تہاری ءَ اُرش کنان ءَ بزدلی ءِ درشان کتگ۔ پاکستان ءِ ارد ءِ پسو ءِ دروشم راجدپتر ءَ یات کئیت۔ من ھما مردماں یات کناں کہ اے اُرش ءَ شھید بوتگ اَنت۔
