اسلام آباد۔8مئی (اے پی پی): وفاقی وزیر خزانہ ءُ آمدنی جناب سٹرم محمد اورنگزیب ءَ اقتصادی برجائیءُ پائیدار دیمروئی ءِ ھاتر ءَ اصلاحات ءِ گامگیج آناں برجاہ دارگ ءِ جزم ءِ درشانی کنان ءَ سٹینڈرڈ چارٹرڈ ءِ اصلاحات ءِ ایجنڈا ءِ سر ءَ میاں اوستمانی شریک آنی اعتماد ءَ را دلبڈی لیک اتگ۔ آئی ءَ اے گپ پنچ شمبے ءِ روچ ءَ لندن ءَ سٹینڈرڈ چارٹرڈ بینک ءِ گلوبل چیف ایگزیکٹو آفیسر واجہ بل ونٹر ءِ گوما گند ءُ نند ءَ کت۔ گند ءُ نند ءَ پاکستان ءِ معیشت ءِ تہ ءَ بینک آنی ھاسیں ءُ دیریں وھد ءِ کرد ءَ را ساڑاتگ ءُ وت مہ وتی کمک ءَ را گیش مھکم کنگ ءِ راہ آنی سر ءَ ھیال ریچی کنگ بوتگ ۔ وزیر ءِ ھزانگ ءَ پاکستان ءَ اقتصادی اصلاحات ءُ دیمروئی ءِ واستہ برجاھیں کمک ءِ واستہ سٹینڈرڈ چارٹرڈ بینک ءِ شگر ءُ منت گپت۔ آئی ءَ بینک ءِ انوگیں مالی کمک ءِ منصوبگ آنی سر ءَ ھم تران کت ءُ بینک ءِ کمک ءَ را ستا کرزیں لیک ات۔ وزیر خزانہ ءَ گوشت کہ حکومت اقتصادی برجائی ءُ برجمیں دیمروئی ءِ واستہ اصلاحات ءِ گامگیج آناں برجاہ دارگ ءِ واستہ جزمیگ انت۔ وزیر خزانہ ءَ حکومت ءِ اصلاحاتی ایجنڈا ءِ سرا سٹینڈرڈ چارٹرڈ ءُ ایندگر میاں اوستمانی شریک آنی اعتماد ءَ را دلبڈی لیک اتگ۔ بل وینٹر ءَ اقتصادی اصلاحات ءُ برجائی ءِ پاکستان ءِ سفر ءِ توسیپ کت ءُ پاکستان ءَ را ھمک رنگ ءِ کمک ءِ وعدہ کت۔ آئی ئَ پاکستان ءِ دیمروئی مکسد ءِ سرجمی ءِ ھاترا دراجیں مُدّت ءِ شریک داری ءِ وعدہ کُت۔ گند ءُ نند ءِ ساھت ءَ دوئیں نیمگ ءَ وت مہ وتی کمک ءَ را گیش دیمروئی دیگ ءِ جزم ءِ درشان کت۔
