نئی دہلی۔8مئی (اے پی پی): بھارت ءِ رودراتکی ریاست اتراکھنڈ ءَ یک ھیلی کاپٹرے ءِ کپگ ءَ پد 5 مردم بیران ءُ 2 ٹپیگ بوتگ انت۔ شین ہوا ءِ رد ءَ ڈیزاسٹر مینجمنٹ ڈیپارٹمنٹ ءِ گوما کار کنوکیں یک دمگی کارندہ ءَ اے گپ ءِ پدرائی کتگ کہ پنچ شمبے ءِ روچ ءَ سھب ءِ 9بج ءِ نزیک ءَ نجی ھیلی کاپٹر ھما وھد ءَ کپتگ کہ ھیلی کاپٹر دریائے گنگا ءِ وسیلگ گنگوتری ءِ نیمگ ءَ بال کنگ ءَ بوتگ۔ پولیس ءَ گْوشتگ کہ بیران بوتگیں مردم مرد اَنت ءُ ٹپیگیں مردم دمگی نادراھجاہ ءَ سر کنگ بوھگ ءَ اَنت۔
