مز اسلام آباد۔8مئی (اے پی پی):ن وزیر محمد شہباز شریف ءَ اے مشکلیں وھد ءَ پاکستان ءِ گوما کمک ءُ یکوئی کنگ ءِ پد ءَ ترکیہ ءِ صدر رجب طیب اردوان ءِ منت گپت ءُ گوشت کہ پاکستان زرباری ایشیا ءَ ایمنی ءِ برجائی ءُ کشیدگی ءِ کم کنگ ءِ واستہ آئی ءِ کوشست آناں ساڑات کنت۔ پنچ شمبے ءِ روچ ءَ ’’ایکس‘‘ ءِ سر ءَ وتی کلوہ ءِ تہ ءَ مزن وزیر محمد شہباز شریف ءَ گوشت کہ آئی ءَ گوں ترکیہ ءِ صدر رجب طیب اردوان ءَ فون ءِ سر ءَ گپ ءُ تران کتگ، ایشی ءِ تہ ءَ ترکیہ ءَ مشکلیں وھد ءَ پاکستان ءِ واستہ یکوئی ءُ کمک کنگ ءِ سر ءَ شگر ءُ منت گپت۔ مزن وزیر ءَ گوشت کہ آ گوستگیں روچ ءَ بھارتی میزائل اُرش آنی تہ ءَ شھید آنی واستہ ترکیہ ءِ برات ءُ گھار آنی دعا ءُ دل ءِ جہلانکی ءَ چہ واھشت آناں سر کت۔ محمد شہباز شریف ءَ گوشت کہ آئی ءَ ترکیہ ءِ صدر ءَ را پاکستان ءِ سلاہ بندیں اُرد آنی ھمت ءُ دژمن ءِ پسو ءِ تہ ءَ فوجی برتری ءِ بابت ءَ سرپد کتگ۔ مزن وزیر ئَ گوشت کہ ما ھمک تک ئَ وتی علاقائی یکوئی ئُُ حاکمیت ءِ رکھینگ ئَ کناں۔ آئی ءَ زرباری عراق ءَ ایمنی آرگ ءُ زوراکی ءِ کم کنگ ءِ واستہ ترکیہ ءِ کوشست آناں ساڑات۔
