راولپنڈی ۔7مئی (اے پی پی): آئی ایس پی آر ءِ ڈائریکٹر جنرل لیفٹیننٹ جنرل احمد شریف چوہدری ءَ گشتگ کہ بزدل ءُ بزدلیں دژمن ءَ فوج ءِ گوما دیم پہ دیم بوھگ ءِ بدل ءَ بے سلاہیں شہری ءُ آبادی ءَ را نشانگ جوڑ کتگ۔ ما پاکستان ءِ دلیریں الس ءَ گوں وعدہ کن ایں کہ بے گناہیں شہری آنی ناانصافی ءِ گڈی ٹپ ءِ حساب دیگ بیت۔ پاکستان ءِ سلاھ بندیں لشکر ءَ ھندوستان ءِ ھما لشکری ٹارگٹ نشانگ جوڑ کتگ اَنت کہ چہ ھمود ءَ پاکستان ءِ سر ءَ اُرش بندات کنگ بوتگ اَنت۔ بھارت ءِ بزدلیں اُرش ءَ 31 لس مردم شھید ءُ 57 لس مردم ٹپیگ بوتگ اَنت۔ درملکی رسانکدر ءَ ھما درستیں جاگہانی تر ءُ تاب ءَ برگ بوتگ کہ اودا ھندوستان ءَ اُرش کتگ۔ رسانکدر ءَ وت دیست کہ ادا ناشرکارانی تربیتی کیمپ نہ بوتگ اَنت بلکیں مسیت بوتگ اَنت کہ شھید بوتگ اَنت۔ چار شمبے ءِ روچ ءَ شپ ءَ میڈیا ءَ را بریفنگ کنان ءَ ڈی جی آئی ایس پی آر ءَ گوشت کہ گوستگیں شپ ءَ بھارت ءِ نیمگ ءَ شہری آبادی ءِ سر ءَ بزدل ءُ افسوسناکیں اُرش ءَ چہ 31 بے گناھیں شہری شھید بوتگ ءُ 57 مردم ٹپیگ بوتگ اَنت۔ ما ہندوستان ءِ اے بزدلیں اُرش ءَ ھرچ وڑ ءَ مذمت بہ کنیں بلے ناکافی اِنت۔ ءُ 7 مئی ءِ شپ ءَ ہندوستان ءِ زھرناکیں دیم دنیا ءِ دیم ءَ پدر کنت۔ مئے دژمن ھنچوش بزدل ءُ بزدلے کہ دیم ءَ مخالفیں لشکر ءَ گوں جنگ کنگ ءِ جاگہ ءَ شپ ءَ وت ءَ وت ءَ وتی دیم ءَ پُترین ایت ءُ بے گناھیں لس مھلوک ءُ آبادی ءَ نشانگ جوڑ کنت۔ اے اُرش ءَ کسان سالیں زھگ ھم شھید بیتگ اَنت ۔ اے بے گناہیں چُکاں انگت روچ ءِ رُژنائی گندگ نہ بوتگ اَت۔ اے ھما ناشرکار اَنت کہ نشانگ جوڑ کنگ بوتگ اَنت؟ آئی ءَ گوشت کہ بھارت وتی پراکسی آنی وسیلگ ءَ پاکستان ءَ ناشرکاری کنگ ءَ انت۔ وھدے کہ پاکستان ءَ آھانی دست ءَ زمین دیگ بندات کت گڑا ھندوستان ءَ وت گوں وتی لشکر ءَ ناشرکاری ءِ کارانی سرا زور دات۔ اگاں اے ناشرکاری نہ انت گڑا دگہ چے انت؟ آئی ءَ گوشت کہ اے گپ ثابت بوتگ کہ بھارت ٹرانس نیشنل ناشرکاری ءُ کوش ءِ تہ ءَ ھوار انت، اے گپ دگنیا ءِ دیم ءَ ثابت بوتگ۔ آئی ءَ گوشت کہ بھارت ءَ جتا جتائیں جاھ آنی سر ءَ مسیت آناں نشانگ جوڑ کتگ، قرآن پاک شھید کنگ بوتگ، بہاول پور ءُ مرید ءِ مسیت سرجمی ءَ شھید کنگ بوتگ اَنت۔ ڈی جی آئی ایس پی آر ءَ گْوشتگ: دنیا ءِ کجام دین دگرے ءِ عبادت جاہ ءُ قرآن پاک ءَ شھید کنت؟ آئی ءَ گوشت کہ وھدے اے اُرش بوتگ گڈا پاک فوج ءَ وتی دیمپان ءَ ایوک ءَ ھندوستان ءِ فوجی تنصیبات گچین کتگ انت۔ اے ھما پوجی ٹارگٹ بوتگ اَنت کہ اودا پاکستان ءِ سرڈگار ءُ لس مھلوک ءِ سر ءَ اُرش کنگ بوتگ ۔ آئی ءَ گوشت کہ وھدے دژمن ءَ اُرش کت گڈا پاکستان ءِ سلاھبنداں آئی ءِ نوکیں بالی گراب پادری کت، ءُ مئے لشکر ءَ دژمن ءِ پنچ بالی گراب تیر گواری کت۔ آئی ءَ گوشت کہ بالی اُرش آنی ھوار لائن آف کنٹرول ءُ ورکنگ باونڈرز ءِ سر ءَ جنگ بندی ءِ ھلاپ ورزی ھم بوتگ ۔ آئی ءَ گوشت کہ مئے اُرد ءَ بھارتی اُرد ءِ بریگیڈ ہیڈ کوارٹر، یونٹ بٹالین ہیڈ کوارٹر، جنگل ون پوسٹ، جورا پوسٹ، دھرمسال، شاہ پور پوسٹ، چاکوتھی سیکٹر، لیپا سیکٹر، بٹال سیکٹر، سنگھار پوسٹ، چیریکوٹ سیکٹر، نیزا پیر سیکٹر پوسٹ، سرلیا پوسٹ، ءُ دگہ پوسٹ آناں نشانگ جوڑ کتگ۔ ڈی جی آئی ایس پی آر ءَ گشتگ کہ پاکستانی اُرد ءَ کسان ءُ مزنیں ہندی 7 ڈرون ایر کتگ ءُ دو ڈرون گپتگ۔ آئی ءَ گوشت کہ تاں انوگ ءَ اے جنگ آنی تہ ءَ پاکستانی اُرد ءِ ھچ کارندہ ٹپیگ نہ بوتگ اَنت ءُ نہ کہ پاکستان فضائیہ ءِ بالی گراب ءَ را تاوان رستگ۔ بھارت ءَ اے اُرش ھما وھد ءَ کتگ کہ پاکستان ءَ میان اُستمانی رسانکدر ءَ ھما جاھاں برگ ءِ رھبند ءِ سر ءَ کار کنگ ءَ اَت کہ بھارت گْوشگ ءَ اَت کہ آ ناشرکاری ءِ تربیتی کیمپ اَنت ءُ راستی ءَ پیش بہ دار اَنت۔ ہندوستان ءَ ہمے جاہانی سرا 6 ءُ 7 مئی ءِ شپ ءَ اُرش کتگ آئی ءَ گشتگ کہ چار شمبے ءِ روچ ءَ درملکی رسانکدر بہاول پور ءُ مرید ءَ برگ بوتگ انت کہ آہاں پیش بہ دار انت کہ اے جاہاں ناشرکاری نیست۔ آئی ءَ گوشت کہ پاکستانی حکومت ءَ بہاول پور، مریدکے، کوٹلی ءُ مظفر آباد ءَ 150 ءَ چہ گیش ملکی ءُ درملکی اھوالکار روان داتگ انت، ناشرکار آنی سرجمیں خیالی تربیتی کیمپ ءُ ھالیگیں پناہ گاہ آنی عکس کشائی کتگ۔ دنیا رسانکدر ءِ وسیلہ ءَ چارگ ءَ اِنت ءُ وت فیصلہ کنگ ءَ اِنت کہ اودا ناشرکار بوتگ اَنت یا مسیت بوتگ اَنت۔ ڈی جی آئی ایس پی آر ءَ گوشت کہ 6 ءُ 7 مئی ءِ شپ ءَ میاں اوستمانی ءُ ملکی بالی گراب آناں ھترہ بوتگ، وھدے کہ 57 بالی گراب ھوا ءَ بوتگ اَنت۔ آئی ءَ گوشت کہ نیلم جھلم ہائیڈل پاور پروجیکٹ ءِ سر ءَ ھم میزائل تیر گواری کنگ بوتگ۔ آئی ءَ گوشت کہ راجی سلامتی کمیٹی ءِ دیوان ءَ اے گپ ءِ سر ءَ تپاک کنگ بوتگ کہ اقوام متحدہ ءِ آرٹیکل 51 ءِ چیر دستی ءَ پاکستان ءَ وت رکّینگ ءِ ھک کارمرز کتگ ءُ سلاھ بندیں اُرد ءَ را اے اختیار داتگ کہ آ لائکیں وھد، جاہ ءُ جاہ ءَ لائکیں گامگیج بہ زور اَنت۔ لیفٹیننٹ جنرل احمد شریف چوہدری ءَ گوشت کہ راج ءَ را پاکستانی فوج ءِ سر ءَ پھر انت ءُ فوج ءَ را وتی بہادریں راج ءِ سر ءَ پھر انت۔ دوئیں ھندی زوراکی ءِ ھلاپ ءَ یکجاہ اَنت۔ مئے امن ءِ واھگ ءَ نزوری ءِ رد ءَ رد کنگ مہ بیت۔ آئی ءَ پاکستانی سلاہ بندیں اُرد ءِ نیمگ ءَ سرجمیں راج ءَ را شگر ءُ منت گپت کہ آیاں چوں ھندی زوراکی ءِ ھلاپ ءَ یکوئی ءَ گپ جتگ ءُ سلاہ بندیں اُرد ءِ گوما شانہ پہ شانہ اوشتاتگ۔ آئی ءَ گوشت کہ پاکستان ءِ دلیریں الس ءُ قوت اے گپ ءِ سر ءَ باور کنگ لوٹ اَنت کہ بے گناھیں شہری آنی ناانصافیں ھون آنی ھمک گڈی ترمپ ءِ حساب دیگ بیت۔
