راولپنڈی ۔7مئی (اے پی پی): چار شمبے ءِ روچ ءَ آرمی ءِ سروک جنرل سید عاصم منیر ءَ ایئر ہیڈ کوارٹر ءِ تر ءُ تاب کتگ اودا آئی ءَ را ایئر سٹاف ءِ سروک ایئر چیف مارشل ظہیر احمد بابر سدھو ءَ وش آتک کتگ۔ آئی ایس پی آر ءِ رد ءَ آرمی چیف ءَ ائیر فورس ءِ سروک ءُ ائیر فورس ءِ شاہین آناں توسیپ ءُ ستا پیش کتگ کہ آہاں بھارتی ائیر فورس ءِ نیمگ ءَ چہ زوراکی ءِ نا شریں منصوبگ ءَ را زوت ناکام کتگ۔ آرمی چیف ءَ پاک فضائیہ ءِ سک باز ساڑات کہ آئی ءَ یک رندے پدا دژمن ءِ بازیں بالی گراب ایر کنگ ءُ وتی جوانی ءَ را ثابت کتگ۔ آرمی چیف ءَ سئیں سروسز ءِ نیام ءَ جوانیں کمک ءِ ھم ساڑات۔ گند ءُ نند ءِ تہ ءَ اے جزم ءِ پدا زور دیگ بوت کہ پاکستان ءِ سرزمین ءِ یکوئی ءَ را پادمال کنگ ءِ اجازت کس ءَ نہ دیگ بیت ءُ ھرکس اے کار ءِ کوشست ءَ کنت آ ایشی ءِ ماز ءَ ادا کنت۔
