اسلام آباد۔7مئی (اے پی پی): مزن وزیر محمد شہباز شریف ءَ راجی سلامتی، راجی یکوئی ءُ علاقائی حاکمیت ءِ رکھینگ ءُ دفاع ءَ را ہر قیمت ءَ را دل یکیمی کنگ ءِ وتی جزم ءِ پدر کنگ ءَ گوشت کہ بھارت ءَ را وتی بے دروریں ردی ءِ آسر آنی برداشت کنگ المی اِنت۔ ما وعدہ کنیں کہ اے شہیدانی ھون ءِ ھر یک ٹپّے ءِ حساب ءَ ما المی ءَ زوریں. پاکستان ءَ یک رندے پدا روایتی سلاھانی جنگ ءَ دژمن ءِ سرا وتی برتری ثابت کتگ۔ ما باز رند ءَ مزنیں دژمن ہندوستان ءِ زوراکی ءِ سرا یک لائکیں پسو یے دات کہ دژمن ءَ را گریوگ ءِ توار کت۔ پاکستان ءِ سر ءَ بھارت ءِ اُرش مئے دلگوش ءَ چہ ناشرکاری ءَ را وتی منطقی آسر ءَ سر کنگ ءَ چہ کشّ اِت نہ کنت۔ سرجمیں راج یک لشکر جار ءِ رنگ ءَ وطن ءِ رکھینگ ءِ واستہ سلاہ بندیں اُرد ءِ ھمراھی ءَ جنگ ءَ تیار اِنت۔ اے ھیالانی درشانی آئی ءَ چار شمبے ءِ روچ ءَ راج ءَ گوں تران کنان ءَ کت اَنت۔ مزن وزیر ءَ گوشت کہ بھارت ءَ را گوستگیں شپ ءَ اُرش کنان ءَ کتگیں مزنیں ردی ءِ برداشت ءِ برداشت کنگی اِنت۔ بوت کنت کہ آہاں اے گمان بوتگ کہ ما پُشت ءَ کپیں بلے آہاں شموشتگ کہ اے ہما دلیریں مردمانی راج اِنت کہ آہانی عزم ءِ تہا فولاد انت، آہانی زہگاں جنگ ءِ میدان ءَ وت ءَ جتا کتگ ءُ وتی وطن ءِ عزت ءُ رکھینگ ءِ ہاترا گڈی ٹپّ ءِ ہُون ءَ جنگ ءَ تیار انت۔ آئی ءَ گوشت کہ گوستگیں شپ ءَ سرجمیں دگنیا ءَ دیست کہ عددی رد ءَ برتریں دژمن ءِ ایر کنگ ءَ ایوک ءَ لھتیں کلاک لگ اِتگ ءُ اللہ تعالیٰ ءِ فضل ءُ کرم ءَ مئے فالکناں آزمان ءَ انچیں طوفانے جوڑ کتگ کہ دژمن ءَ چیہانٹ جتگ۔ پنچ ہندوستان ءِ جنگی بالی گراب تیرگواری کنگ بوتگ انت کہ آہاں ایشی ءِ سرا فخر بوتگ۔ ھاک، ملبہ ءُ سبق جوڑ بوتگ اَنت۔ اے مئے کچلیں پسو ات کہ ایشی ءِ تہا اسکواڈرن لیڈر ایم ایم عالم ءِ گُرّ ءُ گُرّ ہم ہوار ات کہ گوستگیں شپ ءَ پدا گوں سرجمیں زور ءَ گونج ات ءُ مئے فالکناں دژمن ءِ سرا انچیں ٹپّ ءُ ٹور کت کہ وھد ءِ مرہم ہم ہچبر وش نہ بیت۔ بھارت ءِ بزدلی اُرشانی تہ ءَ 26 بے گناھیں لس مردم شھید بوتگ اَنت ءُ 46 ٹپیگ بوتگ اَنت ایشانی تہ ءَ زھگ ءُ زالبول ھم ھوار اَنت۔ آئی ءَ شھیدیں چُک ارتازا عباس ءِ جنازہ ءَ بہر زرتگ۔ آ ھپت سال ءِ بوتگ، وتی مات ءُ برات ءِ گس ءَ بوتگ ءُ اُرش ءَ شھید بوتگ۔ کسانیں پُل چہ پُھل بوھگ ءَ پیسر پُھل بوت ءُ شھادت ءِ بُرزیں بستار ءَ سر بوت۔ راج اے وڑیں دگہ مزنیں پاکستانی شہیداں ہم یات کنت۔ سرجمیں پاکستان اے شھیدانی کھول ءِ ھمراہ اِنت ءُ ٹپیانی زوت جان سلامتی ءِ دعا ءَ کنت۔ مزن وزیر ءَ گوشت کہ ما وعدہ کناں کہ ما اے شہید آنی ھون ءِ ھمک ٹپ ءِ حساب ءَ المی ءَ کناں۔ اِے ہما بزدلیں دژمن اِنت کہ بے سلاہیں مھلوک ءِ سرا اُرش کنگ ءَ وت ءَ زورآور لیک اِیت۔ مزن وزیر ءَ گوشت کہ گوستگیں شپ ءَ ما اے گپ ءِ ثبوت دات کہ پاکستان وتی دفاع ءَ لائکیں پسو دیگ ءَ زانت۔ مرچی کلیں راج وتی بامردیں قوتانی دلیری ءُ بہادری ءَ سلام انت۔ آئی ءَ گوشت کہ لائن آف کنٹرول ءِ سر ءَ یک کلاک ءِ بالی جنگ ءَ پاکستانی پائلٹ وتی سیم سر آنی تہ ءَ نندگ ءِ وھد ءَ دژمن ءِ بالی گراب آنی سر ءَ بالادستی، بہادری ءُ بے دروریں دلیری ءِ گوما ایر کنگ بوتگ اَنت۔ اے جنگ ءَ پاکستان ءَ یک رندے پدا روایتی سلاھانی جنگ ءَ دژمن ءِ سرا وتی برتری ثابت کتگ۔ آئی ءَ گوشت کہ من پاکستانی سلاھبود ءِ ھمک فوجی ءُ افسر ءَ را سلام پیش کن آں ایشی ءِ تہ ءَ چیئرمین جوائنٹ چیفس آف سٹاف کمیٹی جنرل ساحر شمشاد مرزا، سرڈگاری ارد ءِ سروک جنرل سید عاصم منیر، پاک فضائیہ ءِ سربراہ ایئر مارشل ظہیر احمد سدھو ءُ پاک بحریہ ءِ سروک نوید اشرف ءَ ھوار پاکستان ءۓِ ارد ءِ ھمک سپاھی ءُ اپسرگ آناں سلام پیش کناں ءُ دل یکیمی دیاں کہ 24 کروڑ پاکستانی آناں شمے سر ءَ پھر انت ءُ ناز انت۔ شہباز شریف ءَ گوشت کہ پہلگام واکیہ ءِ نام ءَ پاکستان ءِ سر ءَ ارش بے سر ءُ بے سیت انت۔ امن دوستیں ملکے ءِ بستار ءَ پاکستان ءَ اے وئیل ءِ غیر جانبدار، شفاف ءُ معتبریں پٹ ءُ پول ءِ پیشکش کتگ ات کہ ایشی ءِ سرجمیں دنیا ءَ سرجمیں حمایت کتگ ات بلے ہندوستان ءَ میان استمانی کانود ءُ میان استمانی لوٹانی خلاف ورزی ءَ زوراکی ءِ راہ گچین کتگ ات۔ میاں اوستمانی کانود ءُ اقوام متحدہ ءِ قراردادانی رد ءَ مقبوضہ جموں ءُ کشمیر یک بے رھبندیں جیڑھے بوتگ، اِنت ءُ مانیت داں کہ کشمیری برات ءُ گہاراں اقوام متحدہ ءِ نگرانی ءَ آزات ءُ غیر جانبداریں چاگرد ءَ ووٹ ءِ حق مہ رسیت۔ بھارت ھرچ وڑیں یک نیمگی پیسلہ بہ کنت، حقیقت کدی بدل نہ بیت۔ آئی ءَ گوشت کہ پاکستان اے دمگ ءَ ناشرکاری ءَ چہ گیش آماچیں ملک انت۔ ما ناشرکاری ءِ ھلاپ ءَ جنگ ءَ 90 ھزار گران بھائیں جان قربان کتگ ءُ 152ارب ڈالر ءِ مالی تاوان ءِ آماچ بوتگ۔ اے ہندوستان ءِ سادہ لوحیں باور اِنت کہ آئی ءِ انوگیں مہم مئے دلگوش ءَ ناشرکاری ءِ ھلاسی ءِ جنگ ءَ چہ کشّ اِیت۔ ما اے جنگ ءَ وتی منطقی آسر ءَ سر کنیں ءُ مریں۔ آئی ءَ گوشت کہ پاکستان ءِ شرپ، یکوئی ءُ دفاع ءِ واستہ پاک فوج ءُ الس یک جان ءُ دو بدن انت۔ 240 ملین پاکستانی یک تپاکیں لشکر ءِ جوڑ بنت گوں وتی بامردیں لشکر ءَ دژمن ءِ دیم ءَ دارگ ءُ دروگ ءَ را ہلاس کن اَنت۔ ما شمئے وتی وطن ءِ یکوئی ءِ ھاترا شمئے جزم، دلیری ءُ شوق ءَ سلام پیش کنیں۔ تو پہ راستی ءَ جنگ ءَ ئے۔ مزن وزیر محمد شہباز شریف ءَ وتی گشتانک ءِ بندات قرآن پاک ءِ آیاتاں گوں کت۔
