اسلام آباد – 07 (اے پی پی) پاکستان پیپلز پارٹی ءِ مرکزی رہشون حاجی رسول بخش چانڈیو ءَ پاکستانی فوج ءِ بہادری ءَ را توسیپ ءُ ستا پیش کتگ ءُ گشتگ کہ جنگی جہاز کہ بھارت ءِ سرا ایر کپگ ءَ ات آ جنگی جہازاں لہتیں منٹ ءِ تہا پاکستانی فوج ءِ شاہیناں آچ جت ءُ بن داتاں ءُ نوں پاکستان ءَ ہم میاں اوستمانی میڈیا ءَ اے منصوبہ ءِ سرا اشتہار داتگ۔ وتی بیان ءِ تہ ءَ پاکستان پیپلز پارٹی ءِ مرکزی سروک ایم این اے حاجی رسول بخش چانڈیو ءَ گوشت کہ پاکستان ءِ ھمک زھگ وتی ملک ءِ رکھینگ ءِ واستہ دژمن ءِ گوما جنگ کنت۔ آئی ئَ گوشت کہ پاک فوج ئَ بھارت ئِ شان پُرشتگ۔ نوں ما دیم ءَ روگ ءَ چہ پیسر سد رند ءَ جیڑیں، آئی ءَ گوشت کہ پاکستان ءِ امن گپ ءُ تران مئے نزوری زانگ بوتگ، بلے پاکستان یک زمہ واریں ملکے، پمیشکا آئی ءَ ھما ھما پیشکش کتگ کہ یک زمہ واریں ملکے کنت۔ آئی ءَ گوشت کہ اگاں پاکستان ءَ لوٹ ات گڈا پیسر ءَ بھارت ءِ سر ءَ اُرش کنگ ءِ بازیں موہ است ات، ایشی ءِ تہ ءَ جعفر ایکسپریس ءُ سمجھوٹا ایکسپریس ءُ ھمک ناشرکاری ءِ کار ھم ھوار ات، پاکستان اُرش کت کنت۔ آئی ءَ گوشت کہ بھارت دگنیا ءِ تہ یکیں ملک انت کہ آ وتی ادارگ آنی بے سوبی ءِ سبب ءَ دومی ملک ءِ سر ءَ اُرش کنت۔ آئی ءَ گوشت کہ دگنیا چہ ایشی ءَ اندازہ بہ جنت کہ بھارت دمگ ءُ سرجمیں دگنیا ءِ واستہ چے پیمیں ھترہ جوڑ بوتگ۔ آئی ءَ گوشت کہ ھما جنگی بالی گراب کہ آھانی سر ءَ بھارت ناچ کنگ ءَ ات آھاں پاکستانی اُرد ءِ جنگولاں لھتیں دمان ءَ شعلہ جوڑ کتگ ءُ رافیل رائتا جوڑ بوتگ، آئی ءَ گوشت کہ نوں میاں اوستمانی رسانکدر ھم اے گپ ءَ شنگ کنگ ءَ انت۔ ہندوستان ءَ چہ اے گپ ءَ گیش چے ثبوت لوٹیت کہ پاکستان ءَ ہندوستان ءِ بالی گراب ایر جتگ انت؟ حاجی رسول بکس چانڈیو ءَ گشتگ کہ مودی ءُ ہندوستان ءِ دگہ سروکی داں کدی وتی راج ءَ دروگ بندگ ائیت۔
